首頁 即時娛樂

黎明佔有欲強VS郭富城外貌協會 三大天王30年前揀糭預測未來老婆

21/05/2022 15:30:00


TVB口碑專題節目《尋人記》載譽歸來推出第二輯,為緊貼「尋人潮」,逢星期四、五,緊接每集《尋人記II》後,推出全新節目《尋寶記》,不單為觀眾推介好物,更為觀眾在TVB片庫「尋寶」,搜羅了大量昔日極珍貴片段!

第一集以「零食」為主題,節目重現1991年劇集《卡拉屋企》鄭敬基沒收黎海珊零食的場口,及1989年《歡樂今宵》張衛健扮小販整蠱街坊等場面。當中以1991年《Beyond放暑假》場口最為經典,片段所見,扮演學生哥的劉德華不但Chok到爆,更搞爛Gag撩當時只有23歲的伊能靜謂:「報紙上面個伊小姐係咪你呀?咁C小姐呢?」其實1991年,是台灣藝人伊能靜首度踏足香港展開宣傳之旅,當時在台灣已頗有人氣的她,面對男神級華仔的「甜言挑戰」,露出既怕醜又清純的表情,可愛度爆燈。

 

劉德華、Beyond、伊能靜同框。
劉德華、Beyond、伊能靜同框。
劉德華靚仔成咁,邊個頂得住呀?
劉德華靚仔成咁,邊個頂得住呀?
當時23歲嘅伊能靜清純到爆,仲要晒埋冧樣,真係不得了。
當時23歲嘅伊能靜清純到爆,仲要晒埋冧樣,真係不得了。

 

第二集以「糭」為主題,製作組找來1983年《K-100》的精貴片段,當年應屆港姐三甲楊雪儀、張曼玉、李月芙齊齊出席端午節活動,盡顯高貴大方一面。另外製作組還找來1992年《娛樂新聞眼》的採訪片段,當年(足足30年前!)青春爆燈,仍然未婚的劉德華、黎明及郭富城先後應主持「細龜」黃一山邀請,大玩揀糭預測未來老婆遊戲。劉德華選擇揀鹼水糭,被指鍾情有錢女,對此細龜笑爆解釋謂:「因為『揀水』,即係揀一個好有水嘅老婆!」選擇裹蒸糭的黎明被指佔有欲強,對此黎明即時拿出金句反擊:「每個人都可以當自己係專家,我嘅睇法係覺得裹蒸糭好有內涵!」選擇龍兜糭的城城,被指擇偶必要條件是「相貌突出」,十分搞笑。

 
劉德華揀鹼水糭,被指鍾情有錢女。
劉德華揀鹼水糭,被指鍾情有錢女。
黎明被指佔有欲強,佢即時爆金句反擊。
黎明被指佔有欲強,佢即時爆金句反擊。
郭富城係外貌協會?
郭富城係外貌協會?
城城最後都係揀咗個靚老婆方媛,睇嚟都有啲準喎。
城城最後都係揀咗個靚老婆方媛,睇嚟都有啲準喎。
天王個個都結晒婚,仲生咗小朋友。
天王個個都結晒婚,仲生咗小朋友。
方媛係索嘅。
方媛係索嘅。

 

更多最新疫情資訊,請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ

其他文章
hd