首頁 即時娛樂

聲生不息丨 林曉峰非歌手參賽被質疑 唱《今生今世》獲林子祥肯定

22/05/2022 23:15:00


林曉峰(阿Lo)因為唔係歌手,又去參加《聲生不息》而惹網民質疑,來到今日第五集,承接上一集以「一生所愛」為主題,阿Lo選唱了張國榮(哥哥)《今生今世》,憶起過去他和哥哥在電影上的合作,流露真擊感情,獲林子祥肯定實力:「真係唱到入心入肺。」

 

難忘被張國榮打籮柚

阿Lo第一部拍攝的電影是1994年,張國榮有份主演的《金枝玉葉》,阿Lo特別記得有一幕模擬見到警車經過,但他拍了3次都要NG,結果遭哥哥生氣地「打籮柚」兼訓話:「記熟啲對白吖嘛,你可以玩,但做演員要投入啲、專業㗎嘛。」阿Lo續指選唱《今生今世》是想表達自己一生所愛是演藝事業,亦想向哥哥致敬:「當日睇到張國榮先生對工作嘅認真同投入,好似佢明明唔識彈琴,但練到好似識。」

 

珍貴《今生今世》原聲帶曝光。
珍貴《今生今世》原聲帶曝光。

 
 阿Lo曾經因為演戲唔夠投入認真,畀哥哥拍籮柚。
阿Lo曾經因為演戲唔夠投入認真,畀哥哥拍籮柚。

 
林子祥指林曉峰唱到「入心入肺」。
林子祥指林曉峰唱到「入心入肺」。

 
許願話哥哥好鍾意《今生今世》。
許願話哥哥好鍾意《今生今世》。

 

 

哥哥記得所有人生日

《今生今世》作曲人兼《聲生》高級音樂顧問許願,則坦承《今生今世》確實打動了哥哥:「他那時候說不唱歌了,聽了《今生今世》,他就開始動搖。」與哥哥合作無間的經理人陳淑芬,亦有現身節目大談與哥哥相處點滴,陳淑芬邊落淚邊說:「佢係我好好嘅朋友,好似我細佬咁。點解個個都咁掛住佢,因為每個人同佢之間都有個私人嘅故事,佢好細心,會記得所有人嘅生日,尤其小工(如茶水場務)。」

 

為了與觀眾一起紀念這位這麼有愛的已故樂壇巨星,節目組專誠找來《今生今世》珍貴原聲帶,配以阿Lo真情獻唱《今生今世》,畫面感人。事後阿Lam大讚阿Lo唱出真摯:「個個都話佢唔係歌星,佢呢首歌擺咗好多感情,真係唱到入心入肺。」

 
陳淑芬與哥哥情同姊弟。
陳淑芬與哥哥情同姊弟。

 
陳淑芬憶述哥哥時,忍不住一再落淚。
陳淑芬憶述哥哥時,忍不住一再落淚。

 
葉蒨文話覺得筆筆似林青霞。
葉蒨文話覺得筆筆似林青霞。

 
林曉峰(左起)、王祖藍及筆筆聲演不同樂器作無伴奏合唱。
林曉峰(左起)、王祖藍及筆筆聲演不同樂器作無伴奏合唱。


 

更多最新疫情資訊,請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ

其他文章
hd