首頁 即時娛樂

林泳淘揸車過城隧發生恐怖爆胎事件 連環有阻滯嘆好黑仔

23/05/2022 09:00:00


前「東張女神」林泳淘(Wingto)回復自由身後,除為香港開電視節目《疫境中的餐桌》擔任嘉賓外,最近跟譚杏藍(Hana)、陳雅麗(Allie)和李賢(Leanne)為AMM亞洲心動娛樂主持全新綜藝節目《你想點呀》,節目由5月13日起逢周五晚9時播出。雖然默默有工開,但仍有啲阻滯,最近仲連環發生不幸事件。Wingto喺Instagram自爆早前駕車經城門隧道時,驚見座駕爆胎,而且爆到好恐怖,驚見條軚已經消失咗,最後搞到要拖車,更形容係是最近經歷咗一段人生冇幾何會發生嘅事。

最近跟譚杏藍、陳雅麗和李賢主持AMM綜藝節目《你想點呀》。
最近跟譚杏藍、陳雅麗和李賢主持AMM綜藝節目《你想點呀》。
為香港開電視節目《疫境中的餐桌》擔任嘉賓。
為香港開電視節目《疫境中的餐桌》擔任嘉賓。
林泳淘回復自由身。
林泳淘回復自由身。

 

她寫道:「早幾日揸車經城門隧道的時候,一入隧道口已經聽到座駕有怪聲,到中段聲響愈來愈大,好似就嚟要解體咁,而且已經有啲畀油都行唔到嘅感覺,所以我就一路打住死火燈一路行,後面架車都非常機警,立刻慢駛兼同我保持一段距離。」此刻她諗起最近有私家車著火,司機及時跳出車嘅新聞,即刻望向車頭同車尾:「心裏面一路自我安慰,矛(冇)事嘅,當初揀車,當初林生(老公林卓立)揀車見拎咗超多安全認證,我先買嘅(唔係廣告),唔會爆嘅唔會爆嘅!好驚!但喺隧道又唔敢貿貿然停車睇咩事,好翻騰咁行到尾段,隔離線嘅貨車同巴士司機經過,都開始叫我停車。」

 
車胎就嚟要解體咁。
車胎就嚟要解體咁。

 

最後她決定停車了解情况:「人哋都咁樣提我,好啦咁我停啦!結果一停車就見到我條軚已經消失咗(Where are you going thai?)然後隧道公司超專業,極速就嚟到,極速就處理好問題,(佢哋真係好好人,十萬個讚)然後我架車個邊,又好快咁幫我拖車返廠做埋檢查,最終無阻到人,架車咁爆軚又無失控,仲有咁多人提醒同幫忙,內心真係無限感恩!」

 
搞到要拖車,好彩人冇事。
搞到要拖車,好彩人冇事。

 

她形容最近真係好黑仔:「今個月兩架車,一架壞波箱要拎去劏,一架爆軚兼發現之前畀人hit&run有內傷,仲要換晒4條軚(到期所以一次過),然後林生電話又突然壞咗,兼最後back up係201X年...真係一波未完一波又起,但係發生咁多事最終人無事,已經係最大嘅幸運!最後...希望今年快啲過,同埋...電話真係要定期Backup。」

 
老公個手機又壞埋。
老公個手機又壞埋。
林泳淘感恩仍然健健康康。
林泳淘感恩仍然健健康康。

 

更多新冠疫情資訊,請到以下專頁瀏覽(按此)

立即下載 | 全新《星島頭條》APP : https://bit.ly/3yLrgYZ

其他文章
hd