首頁 即時娛樂

《造星II》洪助昇簽英皇闖樂壇 直踩15粒鐘拍MV

24/05/2022 12:00:00


畢業於香港浸會大學電影學院表演系的洪助昇(Aiden),2019年參加ViuTV《全民造星II》打入20強,隨後入行拍劇、拍電影,最近更加盟EEG,並推出首支派台歌《憑實力單身》,正式進軍樂壇。

 

Aiden曾參加《全民造星II》。
Aiden曾參加《全民造星II》。

 

自身愛情故事

歌曲是記錄一段相親卻不敢相愛的愛情故事,亦正是Aiden的親身經歷,「首歌入面,我自己最鍾意係『緩緩兜圈 默默轉季』,呢幾句歌詞對於我嚟講,係十分之有共鳴。形容一種關係,經歷咗好多個四季,但其實佢哋呢種關係係一直喺一個圓圈入面旋轉,亦都冇任何進展,就係因為大家都唔夠膽跨越嗰一條線。」

 

MV中,Aiden有位異性好友,大家相處親密,卻不敢進一步化成甜蜜。二人假裝相處得相安無事,直至一天女主角想作個了斷,刻意迴避Aiden,著意親近另一群新朋友,而在電子遊戲機中心的一場戲,Aiden覺得正好帶出在同一空間,卻擁有各自世界的感覺,Aiden坦言自己亦最喜歡機舖那一場戲。

 
Aiden曾經歷一段相愛,但不敢愛的愛情故事。
Aiden曾經歷一段相愛,但不敢愛的愛情故事。

 
洪助昇於2019年參加ViuTV《全民造星II》打入20強。
洪助昇於2019年參加ViuTV《全民造星II》打入20強。

 
Aiden最鍾意歌詞中一句「緩緩兜圈 默默轉季」。
Aiden最鍾意歌詞中一句「緩緩兜圈 默默轉季」。

 
大家都唔夠膽跨越嗰一條線,做唔成戀人。
大家都唔夠膽跨越嗰一條線,做唔成戀人。

 

同小白兔演戲好開心

MV走訪多個場景,由零晨十二時開始拍攝至翌日下午三時,對屬於早睡寶寶的Aiden來說,踩足15小時都頗辛苦,「有一個鐘係十分之眼瞓,但跨過咗嗰個鐘之後就好清醒。」不過最令他醒神,是突如其來的一位「小演員」,「我好鍾意小動物,喺機舖一幕,我要喺幾個小混混手中去搶一隻小白兔,突然有個咁樣嘅『演員』一齊演戲好開心。」

 

除此之外,首次入錄音室錄的Aiden亦表示非常難忘,「十分之緊張!因為我未試過入去錄音室錄一首真係屬於自己嘅歌,因為我覺得要演繹一首屬於自己嘅歌,真係要好清晰你想每一段呈現嘅情感,同埋你想分享嘅內容,同以前唱cover歌好唔同的分別就係,你要好清晰同埋要好知道呢一首歌你想點樣唱,每一個字你想點樣咬,所以第一日入錄音室嘅時候,我係緊張到一句都錄唔到。」

 
洪助昇擁有俊朗外形。
洪助昇擁有俊朗外形。

 
今次係Aiden第一次擁有自己嘅歌,錄音時都好緊張。
今次係Aiden第一次擁有自己嘅歌,錄音時都好緊張。

 



 

更多最新疫情資訊,請到以下專頁瀏覽 按此

立即下載 | 全新《星島頭條》APP : https://bit.ly/3yLrgYZ

其他文章
hd