首頁 即時娛樂

ANSONBEAN拍新歌MV化身殺人武器 吊威吔扯住下體痛到醒晒

26/05/2022 11:00:00


跳跳紮無時停的陳毅燊(ANSONBEAN)最近推出新歌《RISE》,為拍MV更要連踩26小時,連一向精力旺盛的他都要大叫投降。新歌MV中ANSONBEAN為友報仇,苦練武術,潛入敵方將壞人打到落花流水,鏡頭前赤膊上陣大騷結實肌肉,身手敏捷,鏡頭外其實花了不少時間操練:「呢首歌歌詞講『挑戰不可能』,我細個有學武術,亦好鍾意睇動作片,所以我想將武術加入MV。但其實我自問未完全ready,諗住練多啲到暑假先拍,不過就係想『挑戰不可能』,無人會知幾時係完全ready,唔好諗咁多,將呢刻真實呈現畀大家睇。」

 

WOW,好型仔喎。
WOW,好型仔喎。

 
赤膊上陣大騷肌肉。
赤膊上陣大騷肌肉。

 
連串動作場面皆親身上陣。
連串動作場面皆親身上陣。

 
仲要耍埋九節鞭,不過似模似樣。
仲要耍埋九節鞭,不過似模似樣。

 

拍攝當天ANSONBEAN一早起身狂做運動熱身及去水腫,怎料開始拍攝後大約4個鐘,他竟有點「暈陀陀」,結果要小睡半個鐘休息一下。不過最令ANSONBEAN醒神的就是吊威吔,他說:「本來個人渾渾噩噩,但一吊威吔、一戚住條底褲位,嘩,醒晒!」另外,MV中ANSONBEAN要耍九節鞭,但練習此武器需要很大空間,家中根本完全不可以,結果惟有去到拍攝場地才有足夠空間讓他盡情練習。對ANSONBEAN來說的另一個難度,是跟對手拍對打戲,他謂:「有一個動作我用手撳地起腳翻筋斗同時要踢跌對手,力度要掌握得好好,太細力翻唔到筋斗,太大力又會踢傷人,NG咗幾次。」 

 
吊高做打鬥動作係好睇。
吊高做打鬥動作係好睇。

 
但其實背後吊威吔時要扯住下體,真係男人最痛。
但其實背後吊威吔時要扯住下體,真係男人最痛。

 
當然唔少得跟舞蹈員跳舞。
當然唔少得跟舞蹈員跳舞。

 



 

更多最新疫情資訊,請到以下專頁瀏覽 按此

立即下載 | 全新《星島頭條》APP :  https://bit.ly/3yLrgYZ

其他文章
hd