首頁 即時娛樂

頭條獨家丨袁偉豪獲贈「必中」造人姿勢 譚俊彥姚嘉妮分享交配秘技

27/05/2022 07:00:00


在劇集《廉政行動2022》演ICAC總調查員的袁偉豪(Ben),唔經唔覺41歲,跟31歲張寶兒(Bowie)結婚近兩年的他有計劃生B,希望兩年內造人成功。《廉政》拍檔,同為父母的譚俊彥(Shaun)及姚嘉妮嫌兩年太慢,趁拍攝空檔不時舉行「造人深造班」,圍埋大講「必中」造人資訊贈阿Ben,內容包括幾點做同埋做咩姿勢,爆笑分享私密床事完全18禁。

採訪:杜淑霞 攝影:沈健程 髮型:Price Wong@HH hair.nail 化妝:Chloe Yu 服裝:Loewe 場地:St.Barts

Ben認為生兩個小朋友最理想,更笑指到時可「收檔」。
Ben認為生兩個小朋友最理想,更笑指到時可「收檔」。

 
Ben在劇中經常要着貼身西裝,在悶熱天氣下拍攝更辛苦。
Ben在劇中經常要着貼身西裝,在悶熱天氣下拍攝更辛苦。

 

Ben拍攝《廉政》時曾中暑暈倒,「喺大廈室內拍,半密閉但有個天井,我啱啱放完飯飲咗杯凍齋啡,跟住就出事!突然間好似脫水,散唔到啲熱出嚟,好眼瞓好暈,瞌着咗,再瞪大眼兩隻眼爆晒紅筋。」Ben最開心再跟該劇總監製林超賢(Lam)合作,兩人早於04年已合作電影《重案黐孖GUN》,Ben坦言有點似學生重遇校長或老師的感覺,「當年自己好年輕,同導演好少溝通,但今日就唔同,嗰場戲有咩想表達,即管攞出嚟傾,呢個就係成長。」
Ben開心相隔18年,再跟「老師」林超賢合作。
Ben開心相隔18年,再跟「老師」林超賢合作。

 
Ben(左二)第一次跟林超賢合作,就是電影《重案黐孖GUN》。
Ben(左二)第一次跟林超賢合作,就是電影《重案黐孖GUN》。

臨時演員齊聽18

《廉政》拍攝空檔令Ben有機會上「造人深造班」,導師就是好拍檔Shaun和姚嘉妮,「嘉嘉同Shaun都有小朋友,3個坐喺度講點樣造人,講邊時候做嘅機率大啲,佢哋真係毫無芥蒂去講,夜晚幾多點、咩姿勢好啲,千祈唔好咩姿勢,唔係會好難有㗎!」最搞笑係同場仲有好多臨時演員,Ben笑言,「我望住佢哋啲反應,好似諗緊『你哋都講得幾盡、幾直接』,可能做咗人父母心態放開咗,務求分享,完全冇其他歪念。」
介紹返Ben的「造人深造班」導師嘉嘉和Shaun,劇中兩人演夫妻。
介紹返Ben的「造人深造班」導師嘉嘉和Shaun,劇中兩人演夫妻。

 

早前Ben跟Bowie撐枱腳,慶祝41歲生日。
早前Ben跟Bowie撐枱腳,慶祝41歲生日。

Ben有冇學到嘢?Ben笑言冇特別研究,但承認跟太太有造人大計,「一、兩年之內,最緊要睇工作,始終我哋工作困身,同埋要計劃得周詳啲,唔好臨急影響咗大家製作進度。」理想有兩個小朋友的他,為了慳時間更想一次過搞掂,「可能一次過生兩個,咁唔止收爐,即刻收檔𠻹!」出名鍾意影相的他,笑指連相機都已經準備,「我咪早啲訂定相機,換啲自動對焦好快,第日有小朋友可以影快啲,乘機搵藉口買。」
早前Bowie貼出合成性感相宣傳新劇《OPM》,Ben搞笑回應:「你唔係我老婆」。
早前Bowie貼出合成性感相宣傳新劇《OPM》,Ben搞笑回應:「你唔係我老婆」。

 
Ben承認做Bowie御用攝影師,經常可滿足自己。
Ben承認做Bowie御用攝影師,經常可滿足自己。

婚後盡量唔拍Kiss

早前Bowie貼出合成性感相宣傳新劇《OPM》,當時Ben搞笑回應:「你唔係我老婆」,問到老婆若有性感演出能否接受時,他抵死話:「又唔係完全接受㗎,睇情況啦!」親熱戲呢?Ben繼續玩嘢話:「睇對手啦!到時咪去現場探吓班囉!監吓場!遞吓香口膠同漱口水畀佢哋囉!哈哈!講笑啫!佢自己衡量啦!我接受,其實佢都幾性感㗎!」Ben經常同老婆影靚相,覺得老婆屬於氣質型性感,仲會叫老婆做唔同表情滿足佢,「見到呢啲我就會好開心!我keep住係佢首席攝影師,不過佢冇畀錢我,free畀佢!」
Ben坦言近期經常見陳山聰囝囝Jaco(陳霆軒),都令老竇癮大發。
Ben坦言近期經常見陳山聰囝囝Jaco(陳霆軒),都令老竇癮大發。

 
已為人夫的Ben,拍親熱戲可免則免。
已為人夫的Ben,拍親熱戲可免則免。

若然調返轉,Ben跟對手有親熱戲呢?Ben就話有得揀就唔會做,「作為丈夫係咪可以減少啲呢?做咗人太太係咪可以少啲?係可以少啲嘅。」Ben仲自爆同Bowie一齊睇對方的親熱戲,他為怕老婆會介意而諗盡計仔,「我會跳咗嗰集話『今晚冇乜特別,冇我可以唔使睇』。」至於睇老婆親熱戲,他會玩即場品評,「會攞嚟笑吓囉!『平時唔覺你咁樣嘅,好投入喎!有啲新花式!』嗰啲都係佢結婚前演出,結咗婚後都冇拍。」
Ben坦承已跟Bowie有計劃,兩人內實行造人大計。
Ben坦承已跟Bowie有計劃,兩人內實行造人大計。

 

更多新冠疫情資訊,請到以下專頁瀏覽

按此 https://bit.ly/3JqiBzz

立即下載 | 全新《星島頭條》APP https://bit.ly/3yLrgYZ

其他文章
hd