首頁 即時娛樂

頭條獨家丨Luna獲老公支持拍親熱戲:佢仲Open過我

28/05/2022 07:00:00

去年ViuTV真人騷節目《賭命夫妻》引爆全城熱話,擁41吋長腿兼好身材再加甜美靚樣的26Luna(李月兒),更被封為「最索人妻」,節目後已決定向幕前發展,之前仲跟ERROR的肥仔和阿Dee再合作拍電視廣告,Luna表示老公伍俊匡(阿匡)好支持佢投身幕前,老婆拍親熱戲都唔會介意,Luna笑言:「佢仲open過我!」採訪:杜杜 攝影:沈健程 服裝:American Eagle 場地:Lemon Drop Studio

 

樣子甜美的Luna,想向幕前發展有晒條件啦!
樣子甜美的Luna,想向幕前發展有晒條件啦!

 

168cm高只有51kg的Luna,身材fit爆,仲好有少女味。
168cm高只有51kg的Luna,身材fit爆,仲好有少女味。

 
Luna坦承拍完《賭命》後,更加不怕挑戰不同類型節目。
Luna坦承拍完《賭命》後,更加不怕挑戰不同類型節目。

 

節目播畢逾半年,Luna指生活已回歸正常,連節目中被老公爆唔鍾意沖涼,以及想她揸車接收工等,都沒轉變,「 哈哈!所有影響都係頭半年,譬如頭半年我都有揸車接佢放工,但之後就冇嘞!」節目播出後,好多觀眾傳訊息問呢對夫婦有何相處之道。「我哋連呢啲話題都傾,相處模式都幾好,細水長流咁,要記返呢個感覺。」
Luna跟阿匡結婚未夠兩年,暫時未有「造人」大計。
Luna跟阿匡結婚未夠兩年,暫時未有「造人」大計。

 
《賭命》中影寫真環節,網民齊聲讚好。
《賭命》中影寫真環節,網民齊聲讚好。

 

主動出擊網上平台

Luna好開心拍廣告重遇肥仔和Dee哥,因為拍《賭命》時冇乜機會合作,「同佢哋拍咗兩日,因為有兩個場景,舖頭景要等舖頭關咗門,夜晚1112點先至開始拍,凌晨大家都好眼瞓,但係佢哋一嚟個氣氛就炒熱咗,同佢哋拍嘢好玩、超開心。」對於肥仔在廣告中扮她,Luna笑指,「佢把聲仲嬌嗲過我,好滿意呀!個剪接畫面好搞笑。」

最近Luna跟肥仔和Dee哥合作拍廣告,飾演索女角色。
最近Luna跟肥仔和Dee哥合作拍廣告,飾演索女角色。

 
日前Luna為ViuTV《MM730-娛論潮》做嘉賓,討論真人騷節目。
日前Luna為ViuTV《MM730-娛論潮》做嘉賓,討論真人騷節目。

一心想向幕前發展的Luna,因疫情影響工作機會減少,上戲劇班亦要暫停,連教瑜伽班都要轉為單對單教授,唯有專心完成營養學學位課程,不過她已開始改變策略,主動出擊發展網上平台,「可以做多啲主動角色,嚟緊會自己拍多啲片,𠵱家主要係拍一啲化妝或者整髮型嘅片,呢個都係我興趣,好鍾意扮靚,之後可能會開頻道,分享生活點滴,因節目後有好多觀眾催我哋拍呢啲片。」

 

節目中Luna跟出租男人陳安立拍拖玩埋搽油,事後阿匡都表現大方。
節目中Luna跟出租男人陳安立拍拖玩埋搽油,事後阿匡都表現大方。

 
Luna話拍節目最大收獲,就是認識到多對夫妻朋友。
Luna話拍節目最大收獲,就是認識到多對夫妻朋友。

暫時未計劃生BB

Luna話老公好支持她向幕前發展,就算拍親熱戲都無問題,「我諗佢頂得順嘅,佢仲open過我。真人騷一開頭都係我要參加,我同佢都覺得有新鮮嘅事物唔試,可能會遺憾。」入行做藝人後私生活難免被公開,Luna同阿匡都有晒心理準備,「無論之後有任何資料公開,佢會喺我隔離。」
Luna被老公在節目爆唔鍾意沖涼,她坦言不介意仲攞嚟講笑。
Luna被老公在節目爆唔鍾意沖涼,她坦言不介意仲攞嚟講笑。

 

未拍《賭命》前,Luna曾演出科幻網劇《異數者》,飾演「阿曉」。
未拍《賭命》前,Luna曾演出科幻網劇《異數者》,飾演「阿曉」。

講到Luna和阿匡當初結婚,就是為了移民台灣,她表示仍在等待中,可能疫情令申請有滯後,有人提議她趁坐移民監順道生埋BB,她就想多享受二人世界,「時間上聽落好似幾完美,但係真係生咗之後先係開始,所以未必係呢兩年,我哋都係比較自由,覺得係時候有小朋友,到時再諗。」
正修讀營養學的Luna,希望未來有機會結合瑜伽課程,打造一個新事業。
正修讀營養學的Luna,希望未來有機會結合瑜伽課程,打造一個新事業。

 

就算不用教學生,Luna每日都會keep住做瑜伽,保持身材。
就算不用教學生,Luna每日都會keep住做瑜伽,保持身材。

 

更多新冠疫情資訊,請到以下專頁瀏覽

按此 https://bit.ly/3JqiBzz

立即下載 | 全新《星島頭條》APP https://bit.ly/3yLrgYZ

 

其他文章
hd