首頁 即時娛樂

張敬軒獲同鄉陳蕾贈針織「安全套」 幫手笠埋勁熱心

28/05/2022 16:30:00


《張敬軒THE NEXT 20 演唱會》昨晚(27日)踏入第13場,這晚他請來同鄉陳蕾一起載歌載舞,兩人合唱《詩郵寄》,High爆全場,不過都唔夠陳蕾送上的禮物咁哄動!最近愛上針織的陳蕾送上手織的咪套,既美觀又可以保護個咪,更親手幫軒仔「笠」上去,引得觀眾狂笑,連軒仔都忍唔住話:「呢份禮物真係好爆。」

 

《張敬軒THE NEXT 20 演唱會》昨晚(27日)踏入第13場,有陳蕾做嘉賓。
《張敬軒THE NEXT 20 演唱會》昨晚(27日)踏入第13場,有陳蕾做嘉賓。

 
兩人合唱《詩郵寄》。
兩人合唱《詩郵寄》。

 

軒仔在台上介紹同鄉陳蕾時,表示二人來自同一城市,而且同樣是唱作人,又分享對陳蕾的感覺,「每一次喺工作場合見面,都覺得佢好冷艷,好Cool,好有距離感,點解呢個新人成日口黑面黑,哈哈。」而陳蕾就表示一直都好欣賞軒仔,「我中學時喺廣州睇過你好多演出,當時你剛出道,廣州出咗個歌手叫張敬軒,我哋周圍介紹畀身邊同學知,大家覺得好驕傲好光榮。今日好開心有機會,你邀請我來做嘉賓。多謝你!」至於軒仔覺得她很有距離感,她表示:「我唔係有距離感,為咗証明我其實好貼地,又隨和,我準備咗一份禮物畀你,我係安排得比較後面嘅嘉賓, 送禮比你好大壓力……我諗過,想從早餐呢方面出發,送鹹菜配白粥都幾好食……」軒仔忍唔住插嘴:「難道我還未夠鹹?可以再鹹少少?」引得觀眾哈哈大笑。

 
陳蕾送上針織咪套。
陳蕾送上針織咪套。

 

陳蕾最後選擇送上親手織的禮物,不過當她拎出條狀物時,全場都笑到反肚,軒仔即追問,「喂,你呢個乜嘢嚟先?咁嘅形狀?哈哈哈……離遠望佢,我估都差唔多Size……哈哈哈……中間仲有個心形,可以笠喺邊呢請問?你知『冷』嘢都刮……哈哈哈……」一連串妙語連珠爆發,觀眾全部笑到碌地兼拍爛手掌,狂笑狂起哄,陳蕾就解畫話,「其實係笠喺個咪到……」她更熱心提出:「你要唔要我幫你笠?」接着就親手幫軒仔戴套,軒仔卻擔心觀眾離遠拍照會有色差,提醒大家個套是粉紅色的。

 
張敬軒與陳蕾在台上你一言我一語,全場笑到反肚。
張敬軒與陳蕾在台上你一言我一語,全場笑到反肚。

 

昨晚Encore部份,軒仔請來了小師妹許靖韻(Angela),兩人一起合唱《別為我好》,Angela出道時有個花名叫「小背心」,所以昨晚她亦帶了一件小背心上台送給師兄,並與全場觀眾一起歡呼大叫軒仔即場換上給大家看看,「因為你之前送過件三點式畀我,提醒我做人做事要記得三點,同事又話你操得好Fit,但冇乜點露 ,所以我諗住送件小背心畀你。」全場觀眾這時幫Angela一起大叫:「除衫!」軒仔笑住話,「你唔係諗住叫我即刻着吓嘛?你哋未見過麻甩佬着背心咩?」更作狀除衫,搞到全場非常興奮,但到最後還是走數,笑稱:「嘩,要睇我即場換衫,張飛就要$1680!哈哈……應承你,下次見你着畀你睇!」

 
許靖韻任嘉賓送上小背心做禮物。
許靖韻任嘉賓送上小背心做禮物。

 

更多新冠疫情資訊,請到以下專頁瀏覽(按此)

立即下載|全新《星島頭條》APP:https://bit.ly/3yLrgYZ

其他文章
hd