首頁 即時娛樂

周國賢任嘉賓即場為張敬軒「開鮑」 RB唱《CIAO》引全場合唱

29/05/2022 16:00:00


張敬軒《THE NEXT 20演唱會》昨晚(28日)來到第15場,這晚邀請到有20年交情的好友周國賢擔任嘉賓,他於台上表示由廣州來港發展初期居於紅磡,當時藍奕邦經常到他家中夾歌,另一位經常到他家作客的就是周國賢。

 

張敬軒邀請有20年交情的好友周國賢擔任嘉賓。
張敬軒邀請有20年交情的好友周國賢擔任嘉賓。

 

周國賢一出場就引起全場尖叫歡呼,上台後與軒仔合唱《目黑》,歡呼聲大到軒仔都忍不住說:「大聲到完全聽唔到音樂呀!」到送禮環節,周國賢拎出一個大桶,上面的畫都是由他親手畫,原來裡面裝滿罐頭鮑魚,「因為本身我家族係做海味嘅,呢個係我屋企嘅鑽石牌鮑魚。」不過這個巨大化包裝只有軒仔有,周國賢表示:「因為我怕咁多人睇唔到。識唔識開?我幫你『開鮑』。」引得全場大笑。軒仔都笑言:「呢個植入廣告真係好抵呀,好浪漫,多謝你。我哋友誼就像鮑魚,歷久常新真空包裝!」繼而交個台給周國賢唱《14天》。此外周國賢又多謝軒仔,4年前一夕話,讓他開竅,「張敬軒先生令我學識『愈係難愈要縱容簡單面對』,好大得著。」

 
周國賢在軒仔來港發展初期,經常到軒仔家中夾歌。
周國賢在軒仔來港發展初期,經常到軒仔家中夾歌。

 
周國賢拎出一大桶鮑魚,仲話要幫軒仔「開鮑」。
周國賢拎出一大桶鮑魚,仲話要幫軒仔「開鮑」。

 

Encore部份,軒仔請來RubberBand做嘉賓合唱《未來見》,同樣一出場就掌聲如雷,主唱繆浩昌(6號)代表RubberBand送上他們2014年製作的一張EP送給軒仔,「呢張係寰亞年代我哋做嘅《Frank - EP》,我諗你都記得,我哋喺廣州(錄音),佢好好咁邀請我哋上廣州錄呢隻碟。呢個係我哋RubberBand一個小小嘅夢想,離開自己嘅城市,去到廣州錄音,好快樂,好多謝你當時好慷慨咁Support我哋所有嘢。」當軒仔表示他本身也有收藏這張EP,6號即跪地向對方表示謝意,更表示仲有個「福袋」在後台,待會再送給軒仔。6號又十分感謝軒仔照顧同輩和後輩,及後再演唱《Ciao》令觀眾非常陶醉,更全場大合唱。最後軒仔還Encore了5次,唱到12點半才散場。

 
軒仔與RB合唱《未來見》。
軒仔與RB合唱《未來見》。

 
6號多謝軒仔對同輩及後輩的照顧。
6號多謝軒仔對同輩及後輩的照顧。

 
RB與全場觀眾大合唱《Ciao》。
RB與全場觀眾大合唱《Ciao》。

 

更多新冠疫情資訊,請到以下專頁瀏覽(按此)

立即下載|全新《星島頭條》APP:https://bit.ly/3yLrgYZ 

其他文章
hd