首頁 即時娛樂

頭條獨家丨譚凱琪現實對老公好溫柔 《十八年後》首演惡女獲讚

21/06/2022 07:00:00


譚凱琪(Zoie)最近在劇集《十八年後的終極告白2.0》,首次飾演惡女獲外界讚賞,她開心新挑戰有好反應,但她拍攝時剛生完BB,有一定壓力,幸好對手個個好照顧。不過 Zoie強調惡女只是演技,現實中的她好溫柔,同老公任何事都有商有量,湊1歲半囡囡兩人亦會分工合作。採訪杜 攝影:沈健程 髮型:jamie@hair  化妝:Henry lee  飾物Qeelin

Zoie強調做了媽咪,依然想有自己事業,多謝老友支持她繼續工作。
Zoie強調做了媽咪,依然想有自己事業,多謝老友支持她繼續工作。

對於劇中的惡女「Queenie」,Zoie演落先識驚,「好有挑戰性,呢個角色對住個老公係好霸氣,或者見到啲唔高興嘅事,好敢去講去鬧,初初我都冇諗過會咁難演,可能係我自己個性格去演呢類型角色會辛苦少少,因為我平時講嘢都唔會好大聲,變咗要用好多氣力去演。」演出獲讚她當然好開心,「畀觀眾睇到譚凱琪有另一面,好多人睇到『嘩!譚凱琪可以咁惡嘅!』,我都開心㗎!」
Zoie演的「Queenie」,惡起嚟真係幾得人驚!
Zoie演的「Queenie」,惡起嚟真係幾得人驚!

 
Zoie笑指BabyG能肥肥白白成長,全靠一班好同事提醒她揼奶。
Zoie笑指BabyG能肥肥白白成長,全靠一班好同事提醒她揼奶。

邊拍劇邊揼奶

有好表現,Zoie覺得除了自己努力,監製以及台前幕後幫助好大,特別是她當時生了BB只是45個月,開工仍要忙於揼奶餵囡囡,「有時我自己都唔醒覺要做呢個動作,其他演員會幫我同導演講,你預返啲時間畀Zoie揼奶』,有時拍多兩個鏡頭先到我,即刻走咗去揼,𠵱家阿女肥肥白白都多得各位。」
Zoie大讚劇中老公譚俊彥好有風度,拍親熱戲都可以好放心。
Zoie大讚劇中老公譚俊彥好有風度,拍親熱戲都可以好放心。

 
Zoie和圈外老公莊日宇(Enrico),婚後依然好恩愛。
Zoie和圈外老公莊日宇(Enrico),婚後依然好恩愛。

劇中Zoie演惡妻,現實呢?她即好肯定話:「完全唔似,我哋冇話邊個惡唔惡,係平等,我哋係會buy個道理多啲,大家有商有量。」至於照顧囡囡BabyG兩夫妻亦會分工合作,「老公負責餵奶,夜晚佢一喊去抱佢招呼佢,因為我嗰時去咗拍劇,佢慣咗爸爸同佢瞓,我同佢瞓唔得,初初都傷心,𠵱家都覺得未嘗唔係一件好事,而同佢玩、沖涼,同埋三餐膳食就係我安排。」Zoie更強調跟老公絕對不是怪獸家長,「我啱啱發現好似錯過咗幫佢報M班,哈哈!睇吓𠵱家有冇學校收佢,如果有就唔使等。」
2020年10月出世的BabyG就快兩歲,已識同Zoie有好多互動。
2020年10月出世的BabyG就快兩歲,已識同Zoie有好多互動。

 
Zoie未有計劃追多個BB,因而好怕經歷多次懷孕過程。
Zoie未有計劃追多個BB,因而好怕經歷多次懷孕過程。

星島新聞集團慶回歸25周年專題網站,請即瀏覽

立即下載 | 全新《星島頭條》APP https://bit.ly/3yLrgYZ

 

其他文章
hd