首頁 即時娛樂

Edan跟柏安妮女拍MV爵屎唔畀咀 基仔讚唔止唱功好演技都有料到

23/06/2022 14:00:00


古巨基找來MIRROR的呂爵安(Edan)合唱《飄流教室》,MV昨日(22日)在YouTube上架,晚上兩人一同在IG做直播,基仔又笑稱今次直播叫「巨爵會」,結果吸引了約14,000位網民及「爵屎」(Edan歌迷暱稱)一同收看。基仔親切地稱Edan做「爵仔」,又搞笑問他下半身是否穿「孖煙囪」,Edan坦言之前是穿睡褲,不過為隆重其事,直播前已換回長褲,還企起身給大家看。

 

Edan和基仔合唱《飄流教室》,再加Natalie合作拍MV。
Edan和基仔合唱《飄流教室》,再加Natalie合作拍MV。

 

甫開始兩人先談合作因由及錄音過程等,歌曲中鋼琴伴奏部份,基仔指不少人問是否Edan親自彈奏,Edan澄清不是,但他謂:「期待等時喺舞台上彈畀大家聽。」談到揀了《飄》歌合唱,Edan坦言基仔當年出此首歌時自己只得7歲,妹妹「小如豬」更是在當年出世,難怪Edan表示:「坦白講,我對呢首歌唔熟,但一聽咗就好鍾意,副歌係好入腦。」基仔稱估到Edan會揀此歌:「因為鋼琴氛圍好啱你,你嘅氣質同琴係連為一體,人在琴在。」Edan又謂最意料不到是基仔及監製舒文,安排他獨唱首段,自己一度擔心,但基仔卻大讚Edan試唱完第一段後,發現他唱的假音很動聽,近乎清唱也沒有問題。

 
MV中Edan和Natalie有曖昧感覺。
MV中Edan和Natalie有曖昧感覺。

 
兩人昨晚一同做直播。
兩人昨晚一同做直播。

 

接着兩人再談到MV,由Edan跟柏安妮女兒、許恩怡(Natalie)主演,基仔謂:「我好鍾意柏安妮,所以同到佢囡囡合作都好開心,後尾喺古太口中先知佢有嚟探班,同佢緣慳一面。」網民指Natalie似木村拓哉女兒光希,但Edan卻覺得她似台星柯佳嬿。MV其中一幕是講Edan陪Natalie去基仔簽名會,Edan謂終明白「前夫」感受,基仔則讚Edan在此段戲中加入了不少表情及動作,去突出角色心情及性格,指Edan演技「有料到」。

 

講到MV最後一幕,Edan最終未有跟Natalie「咀嘴」,基仔抵死笑言指見到有「爵屎」留言稱「唔畀錫」,問Edan是否未有跟女仔拍咀戲?Edan尷尬笑說:「大家睇吓遲啲有冇啦!暫時都冇!」基仔即指他是咪暗示稍後會有,Edan似是默認謂:「可能有啦,大家做定心理準備!」

 
MV尾聲講Edan發現被女友背叛,找Natalie訴苦。
MV尾聲講Edan發現被女友背叛,找Natalie訴苦。

 
爵屎一見呢個鏡頭反應好大。
爵屎一見呢個鏡頭反應好大。

 
爵屎大叫唔好錫。
爵屎大叫唔好錫。

 
最終係冇錫嘅。
最終係冇錫嘅。

 

星島新聞集團慶回歸25周年專題網站,請即瀏覽   

立即下載 | 全新《星島頭條》APP : https://bit.ly/3yLrgYZ

其他文章
hd