首頁 即時娛樂

頭條獨家丨陳曼娜赴美探醫生兒子豪華別墅曝光 睇準機會入市:我鍾意做收租婆

25/06/2022 18:00:00


現年70歲的資深演員陳曼娜(Manna姐)在TVB劇集中經常飾演有錢人,富貴形象深入民心。其實Manna姐亦是名乎其實的「真.富婆」,皆因她投資有道,多年來買賣樓市屢有斬獲,從未失手,她曾在訪問中豪言香港地身家過億好常見:「我間屋都接近過億,因為香港啲樓真係好貴。」

Manna姐除生財有道之外,亦教子有方,一對仔女都是尖子學霸。女兒Joie(鄭祖兒)畢業於耶魯大學,現為牙醫博士;兒子Allen則畢業於史丹福及哈佛大學,現在是紐約一間醫院的心臟移植外科主管,兩年幾前更添了一個混血囡囡,認真威威!

 

Manna 姐好有福氣,一對仔女都係學霸,仲好孝順媽咪。
Manna 姐好有福氣,一對仔女都係學霸,仲好孝順媽咪。
Manna 赴美探訪兒子一家,入住的豪宅別墅,外觀好有氣派。(受訪者提供)
Manna 赴美探訪兒子一家,入住的豪宅別墅,外觀好有氣派。(受訪者提供)
Manna姐住地下全層,無敵巨廳真係無得頂!
Manna姐住地下全層,無敵巨廳真係無得頂!
再wide啲....Manna姐話呢啲樓香港「億億聲」。
再wide啲....Manna姐話呢啲樓香港「億億聲」。

 
擁有獨立私人泳池,都好基本。
擁有獨立私人泳池,都好基本。

 

疫情放緩,Manna姐上月終於有機會飛到美國紐約探望兒子一家,日前在社交網晒出三代同堂合照,並意外令Allen的豪華別墅曝光!Manna姐寫道:「住在美國兒子的家享受天倫之樂!現時紐約天氣很好,難得大家不用戴口罩。感謝主!」相中Manna姐身穿休閒服,Chill爆躺坐在客廳的梳化上。相中還可以見到Allen的別墅,空間十分闊落,裝修是走簡約風;戶外還有花園和大泳池,非常有氣派,奢華生活令人羨慕不已。

 
三代同堂去食飯,好溫馨。
三代同堂去食飯,好溫馨。
Manna姐兒子兩年幾前做咗爸爸,誕下混血囡囡。
Manna姐兒子兩年幾前做咗爸爸,誕下混血囡囡。

 

計劃美國買屋收租

《頭條娛樂》今日聯絡上身在美國的Manna姐,透露此行除了探訪兒孫和朋友外,還會積極在當地睇樓,準備投資買樓收租。Manna笑說:「因為香港樓價太貴,今次嚟呢度主要睇屋,揀值得投資嘅,再出租畀人,我係鍾意做收租婆。哈哈!」

Manna姐透露今次在美國入住的豪宅別墅是其兒子的物業,裏面有三層,除起居設備、玩樂設施亦應有盡有,Manna姐一一細數說:「呢間屋如果喺香港買要幾億,美國當然冇咁貴啦。呢度有三層高,起碼超過7間大房,每間有套房;仲有獨立樓層,有啲房間係有自己廚房同大廳,好多空間,又有大花園,游水池,小朋友兒童遊樂場等,好多地方用到。」

原來決定買入這座豪宅別墅,亦是因為兒子一片孝心,令Manna姐倍感安慰:「好感恩我啲細路哥好孝順,呢度除咗近佢返工間醫院,仲都係為咗我,佢知我唔鍾意同人一齊住。依家地下嗰層全部都係我住晒,我有獨立大廳同廚房,仲有其他客房,我可以自成一角。對比香港,當然美國啲住宅係比較寬闊好多。」

 
Manna姐透露今次去美國會四圍去睇屋,睇啱就會入市。
Manna姐透露今次去美國會四圍去睇屋,睇啱就會入市。
孫女好得意。
孫女好得意。
貪玩摸完動物,仲伸脷仔。
貪玩摸完動物,仲伸脷仔。

 

 

星島新聞集團慶回歸25周年專題網站,請即瀏覽   

立即下載 | 全新《星島頭條》APP : https://bit.ly/3yLrgYZ

其他文章
hd