首頁 即時娛樂

十八年後2.0丨龔嘉欣怒摑譚俊彥手掌都紅埋 老妝曝光結局疑另有彩蛋

27/06/2022 22:00:00


譚俊彥(Shaun)、龔嘉欣等主演的《十八年後的終極告白2.0》上周已經大結局,但監製王偉仁早前透露結局另有彩蛋,早前釋出的一條官方花絮片中,除了有嘉欣和阿Shaun的老妝外,竟連已死去的Jason(陳山聰飾)及Joyce(趙希洛飾)亦以老妝現身;只見山聰在希洛摻扶下,遴遴迍迍走上山搵嘉欣吹水,期間山聰說話時的老人腔更是相當逗趣,他開玩笑謂如開拍第三輯,製作組可考慮改名叫《八十年後的終極告白》,屆時全體演員化老妝上陣,甚有創意。

 

嘉欣話個老妝搞到佢好熱。
嘉欣話個老妝搞到佢好熱。
原來阿Shaun個造型,係參考已故著名美國藝術家Andy Warhol。
原來阿Shaun個造型,係參考已故著名美國藝術家Andy Warhol。
「老年版」陳山聰同趙希洛出場。
「老年版」陳山聰同趙希洛出場。
《十八年後2.0》已播大結局,但可能另有彩蛋。
《十八年後2.0》已播大結局,但可能另有彩蛋。

 

而演技備受讚賞的嘉欣,在另一條花絮片中,見她喪女後怒摑Shaun,施展「連環龔拳」,單是摑臉都摑了五個大巴掌,且「巴巴有力」打到啪啪聲。事後嘉欣向攝製組展示打人打到通紅的手掌,除衫散熱平靜心情之餘,又拿出大堆「雲吞」笑指自己喊到收唔到掣。嘉欣不忘解釋指阿Shaun早有被打心理準備:「頭先(同佢)講咗唔好意思,我一定大大巴打落嚟,其實阿Shaun同我都係癲㗎。」

 

 
劇中嘉欣喪女後情緒激動。
劇中嘉欣喪女後情緒激動。
嘉欣呢場戲啲眼淚,應該夠喊濕幾個枕頭。
嘉欣呢場戲啲眼淚,應該夠喊濕幾個枕頭。
阿Shaun被摑至嘴都歪埋,真係齋見圖都感受到嘉欣嗰股摑勁。
阿Shaun被摑至嘴都歪埋,真係齋見圖都感受到嘉欣嗰股摑勁。
打在你身,痛在我手掌心。
打在你身,痛在我手掌心。

 

嘉欣的喊功極具感染力,據知拍攝現場除了嘉欣哭成淚人,飾演警員的蔡國威及鄧伊婷亦深深被感動,忍不住即場落淚,更一度因太傷心未能即時埋位演戲,認真誇張。不少網民都大讚嘉欣好演技,睇好今年攞視后,陳山聰、趙希洛、鄧伊婷等亦留言一致讚好,譚凱琪寫著:「我都為你喊了好幾次」,而Shaun被摑數巴後仍然識說笑,亦被讚是專業演員。

 
好多「雲吞」呀。
好多「雲吞」呀。
同劇演員先後留言盛讚嘉欣好戲。
同劇演員先後留言盛讚嘉欣好戲。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ 

其他文章
hd