首頁 即時娛樂

豬肉威嬲爆出聲明冇吸毒唔係黑社會 對多口網民採取進一步行動

27/06/2022 20:15:00


荃灣街市豬肉檔「肉類分割員」威威(劉宋威)爆紅後成為「師奶殺手」,有Fans開Page支持,亦有「有心人」開設「除罩威威留餸區」專頁狂揭威威黑歷史,專頁開咗無耐已有7500多成員,每日無間斷出PO攻擊威威,包括指他曾涉毒品派對、參與黑社會活動、玩女、偷食及欠債等,講到真嘅一樣,威威終於忍唔住出PO澄清,表示相關言論已超出可接受範圍,並對他及他的家庭構成傷害,現正尋求法律意見,並將採取進一步的法律行動。他又聲稱壓力下曾想過放棄,但「威威豬」(威粉)及家人給予很大的鼓勵,令他有勇氣堅持下去。

聲明原文:

近日網絡流傳有關我的失實言論及報導,包括曾涉及毒品派對、參與黑社會活動以及欠債等,均屬捏造及嚴重失實的指控,本人在此澄清我絕對沒有牽涉上述事件。相關言論已超出我可接受的範圍,並對我及我的家庭構成傷害,我正尋求法律意見,並將採取進一步的法律行動。

事實上,從一開始接受媒體採訪,我已主動向大家分享自己熱愛舞獅表演及紋身藝術,只是別有用心的人不停翻出我的舊照片穿鑿附會、大肆渲染,進行網絡欺凌。對此,我深感無奈。

其實早前我已拍片澄清,而心裏也確實曾想過放棄,但威威豬及家人給予我很大的鼓勵,很多威威豬更親自到舖頭為我打氣並送上心意咭,令我有勇氣堅持下去。我會繼續做好自己,努力工作。

最後,藉此感謝威威豬及家人對我的支持,沒有你們就沒有我。

劉宋威
2022年6月27日

威威舊照被瘋傳。​
威威舊照被瘋傳。​
威威聲明。
威威聲明。

 
指他經常流連元朗井頭村。
指他經常流連元朗井頭村。
呢張相超好笑。
呢張相超好笑。
本報曾爆威威做過舞獅。
本報曾爆威威做過舞獅。
當年威威有肚腩㗎,冇現在咁fit。
當年威威有肚腩㗎,冇現在咁fit。
以前都係金毛仔。
以前都係金毛仔。

威威爆紅後勁接廣告Job,又喺youtube拍片教大家煮餸,本報仲收到風,𠵱家威威收入倍增,除咗3萬蚊店長月薪外,每月額外有4萬蚊花紅,加埋廣告收入,月入近6位數。
爆紅威威狂接廣告。
爆紅威威狂接廣告。

網民多嘢爆

「除罩威威留餸區」Page內相當熱鬧,爆料網民每日好似唧牙膏式上載威威舊相,包括於元朗井頭村赤祼上身舞獅相,又有威威拍住太太做傳銷的相,舊圖又有惡搞圖又有娛樂性相當豐富,網民評論先係重點,又Mean又好笑。如指威威後生時行「古惑」,同人打交是家常便飯,留言:「再唔係就開毒品派對,一腳踏幾船呃女人錢,以前呃後生女錢而家就出嚟呃師奶!劉宋,你收手啦!」對威威指控相當嚴重。
威威除罩樣。
威威除罩樣。
網上每日都有威威舊相流出。​
網上每日都有威威舊相流出。​
同老婆一齊做傳銷。​
同老婆一齊做傳銷。​
仲有四眼look。
仲有四眼look。

為自己打氣

幸而一班忠粉「威威豬」喺fb「荃灣鮮肉威威應援團」日日為威威護航,除咗貼出威威靚相,更於豬肉檔內設立留言版,不時為威威打氣,仲出po留言話:「威,希望你每天都保持開朗的樣子,不論任何風雨仍有好多愛你的人在身邊,不用怕黑暗過後便有黎明。」至於威威唔再為負面傳聞哽咽,日前喺自己平台上載藍天與白雲相,堅強地寫道:「知足常樂!多謝今日天氣咁好#滿滿正能量。」而有網民投訴此Page屬一言堂,稍有批評威威即被Block。
 「威威豬」(威粉)及家人給予威威很大的鼓勵。​
「威威豬」(威粉)及家人給予威威很大的鼓勵。​
他都為自己加油。
他都為自己加油。
幸而一班忠粉「威威豬」力撐。
幸而一班忠粉「威威豬」力撐。
​網民要揭威威真面目。​
​網民要揭威威真面目。​
之前威威開直播話自己紋身但唔係壞人,期間想喊但喊唔出。​
之前威威開直播話自己紋身但唔係壞人,期間想喊但喊唔出。​

 

星島新聞集團慶回歸25周年專題網站,請即瀏覽   

立即下載 | 全新《星島頭條》APP : https://bit.ly/3yLrgYZ

 

其他文章
hd