首頁 即時娛樂

Edan被粉刷掟中面冇有怕順利贏出 跟基仔拍搞笑片玩小學雞遊戲

28/06/2022 22:30:00


古巨基邀請MIRROR呂爵安(Edan)合唱《飄流教室》,自推出以來反應熱烈,而昨晚(27日)基仔乘勢播出二人再度合作拍攝的網上特備節目《膠流教室》,節目中兩人穿上校服變回中學生,在課室內進行不同遊戲,如唸急口令、天下太平、掟粉刷、歇後語問答環節及爆旋陀螺等。

 

基仔請來Edan合唱他早年的歌曲《飄流教室》。
基仔請來Edan合唱他早年的歌曲《飄流教室》。

 

不過比賽開始前,二人各自分享當年校園生活,問到中學時代的戀情時,基仔稱不會追女仔,Edan即笑問:「都係女仔追你嘅?」基仔隨即反問Edan中學有否拍拖,Edan坦言只拍過一次:「好青春呢件事,因為我哋係同班,所以唔可以畀人知,上堂又會偷偷地望佢,有種秘密嘅感覺,都幾得意。」隨後基仔續說:「我鍾意嗰個係低我一級嘅女仔,小息時喺走廊偷望佢經過,佢唔知。後來搵咗個朋友嘅朋友去識佢。」Edan聽後又即時反應:「你又話冇追女仔嘅?」基仔隨即反擊,大笑道:「識朋友啫嘛!」

 
Edan更出任MV男主角。
Edan更出任MV男主角。

 
兩人又合作拍短片,當中玩小學雞遊戲。
兩人又合作拍短片,當中玩小學雞遊戲。

 

遊戲當中以兩人掟粉刷環節最為激烈,二人各有6個粉刷,輪流進攻及防守,目標是掟中黑板上的分數,二人認真作賽,毫不留手!過程中基仔其中一個粉刷,誤中Edan正面,食正「粉餅」!Edan隨即扮暈,基仔即上前慰問,二人捧腹大笑。經過一輪遊戲比賽後,Edan以總局數4比2成為《膠流教室》「學霸」,最後,二人表示希望可以在舞台現場演繹《飄流教室》,並且期待再次合作。

 
當中以掟粉擦最好笑。
當中以掟粉擦最好笑。

 
基仔一方做掟,Edan做防守。
基仔一方做掟,Edan做防守。

 
點知基仔咁好眼,掟中Edan塊面。
點知基仔咁好眼,掟中Edan塊面。

 
真係正一正架,搞到基仔都唔好意思。
真係正一正架,搞到基仔都唔好意思。

 
不過一向冇偶包嘅Edan當然唔會介意。
不過一向冇偶包嘅Edan當然唔會介意。

 



 

星島新聞集團慶回歸25周年專題網站,請即瀏覽   

立即下載 | 全新《星島頭條》APP :  https://bit.ly/3yLrgYZ

其他文章
hd