首頁 即時娛樂

張慧儀「回春」靚晒搵男人隨緣 拍廣告要阿仔批准

29/06/2022 06:00:00


51歲的張慧儀成為美容品牌代言人,使用產品後成功「減慢皮膚老化」,近日她為品牌拍攝電視廣告,為隆重其事舉行首映禮見證逆轉肌齡時刻,大會更邀請蔡宛珊擔任大會司儀。 

張慧儀狀態一流。
張慧儀狀態一流。

 

久未露面的張慧儀坦言,要囝囝張晃維(Hanson)「批准」方可出席活動,更被對方叮囑要做足「安全措施」:「佢唔係怕我太性感,佢係怕人多易病,叫我唔好除口罩、勤洗手!可能我有事就會傳染畀佢,搞到佢都冇得返學,見佢咁有上進心,做亞媽都好安慰嘅。」

 
張慧儀同養子張晃維(Hanson)。
張慧儀同養子張晃維(Hanson)。

 

張慧儀做代言人之外亦忙於拍攝工作,重投劇組感到好興奮:「其實我一直都有拍攝工作,只係受到疫情影響,少咗好多外地拍攝機會,之前要隔離十幾日,咁都會心掛掛個仔,唔敢走太遠。現時隔離日數都少咗,咁開始接洽啲電影,最好返大馬拍攝,咁我就可以順便探吓屋企人,因為太耐未見過佢地。」慧儀拒透露今次做代言人費用,笑言「回春」無價:「咁睇落後生啲都好呀,大把角色畀我發揮!(『回春』後想搵個伴?)唔敢諗呢啲嘢啦,一切隨緣,總之而家靚咗春風滿面。」

 
邊忽似51歲?
邊忽似51歲?

 

星島新聞集團慶回歸25周年專題網站,請即瀏覽   

立即下載 | 全新《星島頭條》APP : https://bit.ly/3yLrgYZ

其他文章
hd