首頁 即時娛樂

頭條獨家丨林欣彤怕男友撐場有壓力 拍住隊長陳國峰開騷好安心

30/06/2022 07:00:00


林欣彤(Mag)和陳國峰將於8月跟香港業餘管弦樂團合作舉行《仲夏夜之韻》音樂會,兩人自2010年參加《超級巨聲2》後,一直未有機會同台唱歌,Mag認為跟隊長同場份外安心,而他們早前都不幸中招,受後遺症影響要更早為開騷做準備。至於跟Anton(馮卓然)公開戀情的Mag ,又話擔心男友撐場有壓力。採訪杜 攝影:沈健程髮型:Franco@Leonardo3 Museum Hair Corner(Mag)服裝:ITeSHOP(Mag)

 

Mag難得公開戀情,自言很享受隨時跟大家分享喜悅。
Mag難得公開戀情,自言很享受隨時跟大家分享喜悅。

 
國峰首次跟管弦樂團合作,心情特別緊張。
國峰首次跟管弦樂團合作,心情特別緊張。

Mag和當年《巨聲2》隊長的國峰,原來賽後12年來一直未有同台唱歌機會,她說:「連一啲工作場合要唱吓歌嘅,我哋真係未試過。」因少合作,國峰承認壓力特別大,但Mag卻剛好相反,她對着隊長話:「我係冇乜壓力,我交畀你㗎啦!你係散發住令人好安全嘅感覺。」
2010年Mag(左三)和國峰(左一)參加《超級巨聲2》而認識。
2010年Mag(左三)和國峰(左一)參加《超級巨聲2》而認識。

享受網上放閃

Mag和國峰早前都在第五波疫情中染疫,國峰當時都擔心唱唔返歌,「我個range係低咗好多,唱唔到以前唱到嘅歌。」好彩他已大致康復,只是跟Mag一樣有腦霧,所以他門都好擔心演出時忘記歌詞。不過Mag的後遺症就嚴重得多,「我初初可以出返街,行行吓超級頭暈,然後手軟腳軟冇晒力,會維持兩分鐘;同埋成日講講吓嘢,突然唔記得想講咩,睇緊中醫調理,慢慢好返啲;肺活量好明顯差咗,我做返運動,辛苦咗好多,都係做以前同樣嘅嘢,最誇張係肌肉好明顯鬆弛咗好多,我彈琴嚿肌肉都好容易攰。」
國峰分別5歲及兩歲的囝囝,到時都會跟他太太一齊到場支持。
國峰分別5歲及兩歲的囝囝,到時都會跟他太太一齊到場支持。

 
Mag跟Anton(馮卓然)@ONE PROMISE認愛後,不時在網上放閃。
Mag跟Anton(馮卓然)@ONE PROMISE認愛後,不時在網上放閃。

講到開騷當日,國峰一定會邀請家人支持,「我都想屋企人見證住,對上嗰次就帶咗哥哥(大仔),因為細佬未出世。」而Mag亦大方承認想男友到場,「如果佢肯嚟梗係好啦!但係我諗我都會有壓力囉!(因佢都係音樂人?)係啩!我都唔知。」講到她最近經常網上放閃,她即撒嬌話:「你哋由我啦!未試過嘛!開心嘢都可以share多啲出嚟。」她又呻國峰經常晒家人相卻冇人講,記者即笑她可以學國峰一樣組織家庭,她自知失言,「嘩!畀咗個氹自己踩,哈哈!我暫時唔想諗呢一步住,想專注返事業先,冇諗得太遠。」
講到結婚話題,Mag和國峰都笑指屬「巨聲幫」的吳業坤婚訊突然。
講到結婚話題,Mag和國峰都笑指屬「巨聲幫」的吳業坤婚訊突然。
兩人都估不到,要相隔12年再有同台唱歌的機會。
兩人都估不到,要相隔12年再有同台唱歌的機會。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP https://bit.ly/3yLrgYZ

 

其他文章
hd