首頁 即時娛樂

獨家丨鄧建明孖太太行街二人世界 結婚25年仲有大把話題

08/07/2022 01:00:00


太極樂隊主音及結他手鄧建明(Joey),近年長駐ViuTV音樂節目《Chill Club》做音樂總監兼結他手,作為樂壇大前輩與後輩打成一片,深受年輕觀眾歡迎。私下他亦是一位好好先生,日前《星島頭條》記者又撞到他與太太二人世界行街,結婚25年仍然有講唔完的話題。採訪:娛樂組

 

Joey近年於ViuTV音樂節目《Chill Club》做音樂總監兼結他手。
Joey近年於ViuTV音樂節目《Chill Club》做音樂總監兼結他手。

 
Joey與太太於ifc行超市好多嘢傾。
Joey與太太於ifc行超市好多嘢傾。

 

以往記者經常撞到Joey行街,之前大多一家三口出動,不過21歲囝囝鄧朗堯現時仍在澳洲留學,疫情下都久未返港,令Joey與太太多咗時間二人世界。Joey出道近40年,其實工作一直冇少過,幕後大把音樂工作等他參與,幾乎年年都有騷開,現在更要做埋音樂節目,難得他咁忙都抽時間陪太太,真抵讚。日前他與太太現身中環ifc,兩公婆去行超市鬼咁多嘢討論,不過就似乎冇買嘢。由於Joey個髮型太標誌性,在商場內行走都有不少人認出他。

 
囝囝鄧朗堯遺傳爸爸Joey的音樂天份,小時候多次上台表演。
囝囝鄧朗堯遺傳爸爸Joey的音樂天份,小時候多次上台表演。

 
太極樂隊成軍38年,隔幾年就開一次騷,好多擁躉。
太極樂隊成軍38年,隔幾年就開一次騷,好多擁躉。

 
同太太行街,不少人認出Joey。
同太太行街,不少人認出Joey。

 

外賣返歸撐枱腳
Joey與太太去完超市就想搵食,二人在一間日式餐廳外研究吓個餐牌,睇得非常認真,原來係叫外賣,等待食物期間,太太突然急步走向老公晒出手上兩張單據,未知是否計好數拎泊車優惠。及後Joey拎住一大袋嘢食,相信係與太太一同返歸撐枱腳。

 
二人認真研究餐牌睇吓叫咩外賣。
二人認真研究餐牌睇吓叫咩外賣。

 
Joey等外賣時,太太晒出兩張單據個樣好招積。
Joey等外賣時,太太晒出兩張單據個樣好招積。

 
買日本嘢食返屋企,二人世界撐枱腳。​
買日本嘢食返屋企,二人世界撐枱腳。​

 

星島新聞集團慶回歸25周年專題網站,請即瀏覽 

立即下載 | 全新《星島頭條》APP :  https://bit.ly/3yLrgYZ

 

其他文章
hd