首頁 即時娛樂

MIRROR演唱會丨汪明荃睇頭場已覺升降橋唔穩陣 認為經驗不足毋須太多機關

30/07/2022 21:30:00


近日獲頒金紫荊星章的汪明荃(阿姐)今晚出席「八和粵劇學院課程匯報演出」,阿姐表示很開心政府能看到她做的事情,對她來說也是一種鼓勵,但笑言家英哥沒有表示,希望等疫情好轉後可相約朋友吃飯慶祝。

 

汪阿姐今日出席活動談及MIRROR演唱會事故。
汪阿姐今日出席活動談及MIRROR演唱會事故。

 

提到MIRROR演唱會日前發生嚴重意外,曾觀看頭場的阿姐表示當日也覺得舞台危險:「條橋好似唔穩陣,同埋Anson Lo幾個動作、向後倒,其實都好危險。我哋做大戲都有做,但個底就會舖好多榻榻米,佢哋好似冇。」阿姐希望受傷的舞蹈員能大步檻過:「咁年輕,又靚仔,佢跳得幾好,希望佢冇事,我睇完出事條片,揸車一直喺度震。」阿姐又指MIRROR是當紅團體,演唱會不需要太多機關:「大場都未上過,冇咁多經驗,做一個四面台係唔簡單,藝人要顧好多嘢,佢哋人已經多,dancers又多,根本唔夠位跳,啲位太迫、機關太多,佢哋排練時間又少,一下子上台要記咁多,但又唔熟個台就好容易行錯,其實佢哋個show係未ready,不過嗰日我都睇得開心,佢哋好年輕,好有才華。」

 
汪阿姐日前先睇完MIRROR紅館騷頭場。
汪阿姐日前先睇完MIRROR紅館騷頭場。

 
有Fans發覺MIRROR演唱會上用的升降橋唔穩陣。
有Fans發覺MIRROR演唱會上用的升降橋唔穩陣。

 
汪阿姐睇頭場都覺得升降橋唔穩陣。
汪阿姐睇頭場都覺得升降橋唔穩陣。

 
AL咁樣瞓落台,汪阿姐都覺得唔安全。
AL咁樣瞓落台,汪阿姐都覺得唔安全。

 
汪阿姐認為MIRROR咁紅,但大場演出的經驗不足,認為毋須太多機關。
汪阿姐認為MIRROR咁紅,但大場演出的經驗不足,認為毋須太多機關。

 

提到當年林子祥為她擔任演唱會表演嘉賓時發生意外,阿姐説:「當時觀眾好興奮,佢戴咗耳機聽唔到,一直向後退跌咗落去。」問到阿姐以後開紅館騷會否擔心安全問題?她表示不會:「自己知道要檢查,每個部門都要做好自己嘅準備,同埋真係要排多少少,佢哋12人走位多好多,出出入入又好多,冇經驗嘅人做四面台係唔容易,要用多啲功夫,顧唔到咁多,在台上會興奮,啲機關唔應該咁樣。(作為前輩如何鼓勵他們?)最緊要小心,唔只藝人,最重要主辦機構,一定要負責,搞到咁大件事,未試過!」

 
汪阿姐提到當年林子祥為她擔任演唱會表演嘉賓時發生意外一事。
汪阿姐提到當年林子祥為她擔任演唱會表演嘉賓時發生意外一事。

 

問到阿姐有否聯絡Edan(呂爵安)?她透露家英哥有,自己就有問候ViuTV高層金廣誠,不過可能對方忙於善後未有回覆。談到粵劇演出的安全問題,阿姐表示每方面都很嚴格:「搭超過三呎佈景都買保險,亦冇咁多機關,上次家英哥演《英雄叛國》喺三呎台打筋斗跳落嚟,第一場後覺得太危險,就取消咗。」

 
家英哥有問候曾合作拍節目的Edan。
家英哥有問候曾合作拍節目的Edan。

 
汪阿姐透露睇條意外片嚇到揸車手震。
汪阿姐透露睇條意外片嚇到揸車手震。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

其他文章
hd