首頁 即時娛樂

「美心妹妹」Celine話咁快14歲 網民驚歎唔同樣:好似馬德鐘

09/08/2022 09:00:00


2013年,5歲的楊鎧凝(Celine)因為拍攝美心廣告而爆紅,之後廣告接唔停,獲封廣告小天后,之後仲參演過《愛我請留言》、《陪著你走》及《來自喵喵星的妳》劇集。

當年嘅美心妹妹真係好可愛。
當年嘅美心妹妹真係好可愛。
TVB劇集《愛我請留言》。
TVB劇集《愛我請留言》。
同馬明出席活動。
同馬明出席活動。
同周秀娜出席活動。
同周秀娜出席活動。

2015年,6歲嘅Celine於書展推出寫真集《童萌時光》,由於當中有幾張相張開雙腿又翹起臀部,甚至露出白色內褲,被批意識不良,警方當年曾介入調查,攝影師最終致歉。之後因為要專注學業,Celine減少幕前演出,但就依然活躍於自家的YouTube頻道。
當年備受爭議的寫真集。
當年備受爭議的寫真集。
美心妹妹阿媽回應寫真集爭議。
美心妹妹阿媽回應寫真集爭議。

Celine透露頻道由媽媽負責打理,自己閒時會自拍生活片段,再交由媽媽剪輯上傳。她說:「通常都係贊助商send啲product畀我哋,我哋再拍片,或者出去某啲地方影嘢再擺喺YouTube。」哦,即係廣告頻道。
估唔到佢而家都咁多廣告。
估唔到佢而家都咁多廣告。

周日出席《屁屁偵探電影:天才惡人屁屁亞蒂 + 夢幻的巨無霸番薯批慶典》首映禮的Celine被網民指大個女唔同晒樣,佢表示認同,「大個咗唔同樣每個人都係㗎啦,高咗都係唔同樣,4歲同我14歲梗係會唔同。」佢仲自爆有計劃加入娛樂圈,「因為唱歌,跳舞都鍾意,拍戲正常都鍾意,邊方面都冇所謂。」連登巴打就勸佢三思先入行,話佢點解大個咗咁似賓妹?又疑惑14歲應該無敵,「做乜搞成咁?」,更有人話見到佢就即刻諗起馬德鐘,入行後可以演馬德鐘個女喎,網民真係麻鬼煩呀。
周日出席電影活動,有啲肉地都幾可愛吖。
周日出席電影活動,有啲肉地都幾可愛吖。

 
一講起又真係有啲似。
一講起又真係有啲似。
網民真係好曳。
網民真係好曳。
話一個14歲妹妹似馬德鐘,算唔算欺凌?
話一個14歲妹妹似馬德鐘,算唔算欺凌?

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

 

其他文章
hd