首頁 即時娛樂

獨家丨李泳豪放下楊思琦與台灣女友結婚 鼎爺讚未來新抱Nice識分尊卑

11/08/2022 14:00:00


現年42歲的李家鼎細仔李泳豪,今日傳出跟拍拖兩年的台灣女友Agnes入紙排期結婚,可喜可賀。李泳豪早年跟港姐冠軍楊思琦拍拖9手,但於2011兩人分手,當年因女方搭上內地跳水運動員吳帥,之後更未婚生女,李泳豪飽受情傷下多年來一直單身,直至兩年前終遇上未來太太,令他對愛情重拾信心,此段愛情更成功開花結果。

李泳豪今日接受《星島頭條》訪問,大方承認婚訊,他謂:「多謝大家嘅祝福,以前嘅嘢就真係唔講啦。」談到未來太太的優點時,李泳豪大讚:「佢好踏實、勤力同埋成熟,互相學習到,喺佢身上學到好多嘢,相處好簡單舒服。」他透露是在一個晚宴上求婚,即場向她送上驚喜,安排都是簡單為主。至於擺酒,李泳豪謂:「擺酒我哋有plan,但依家入咗紙,我哋會簽咗紙先,而依家咁環境又要搵地方,都要明年年中先擺酒。」問到造人計劃,李泳豪坦言有,不過只生一個已足夠,仔女隨緣。

 

兩人拍拖兩年,修成正果。
兩人拍拖兩年,修成正果。

 
Agnes早已融入李家,跟未來奶奶施明相處融洽。
Agnes早已融入李家,跟未來奶奶施明相處融洽。

 
鼎爺對Agnes相當滿意,最重要是兒子的感受。
鼎爺對Agnes相當滿意,最重要是兒子的感受。

 

至於快將又做老爺的鼎爺,他接受《星島頭條》訪問時坦言當然很開心,至於未來新抱感覺,他謂:「OK,待人接物都好nice,識得尊卑分老嫩。」鼎爺還心情大靚反問記者是否叫「nice」。會否催促兩人生BB?鼎爺笑言:「依家咩年代,佢哋話事,冇壓力,畀壓力就唔過癮,順其自然。」問到有否曾擔心兒子因過去情傷而不敢拍拖?鼎爺直言:「咁梗係有,點都怕有影響嘅。」最後問他給幾多分數給這位未來新抱?鼎爺謂不會畀分,總之她是OK。

 
李泳豪指跟女朋友先簽字註冊,明年才擺酒。
李泳豪指跟女朋友先簽字註冊,明年才擺酒。

 
鼎爺指抱孫隨緣,但泳豪表示有生b計劃。
鼎爺指抱孫隨緣,但泳豪表示有生b計劃。

 
當年楊思琦背叛李泳豪,結果分手收場。
當年楊思琦背叛李泳豪,結果分手收場。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ 

其他文章
hd