首頁 即時娛樂

栢天男想向古天樂自薦演科幻電影 做香港隊長傳達正面訊息

11/08/2022 22:45:00


韓國科幻片《祖宗膠戰外星人》今晚在圓方戲院舉行香港首映禮,多位圈中人出席支持,包括栢天男、陳果、黃祥興、麥子樂、少爺占、張文傑、黃建東等。栢天男自稱是個鍾愛科幻片的人,若古天樂投資的科幻片《明日戰記》開續集,他也很想參與其中,並說:「有得做,搵我做未來戰士,我好鍾意呢類題材,可以有好多可能性,外星人都好,海底題材或太空都可以。(古天樂正打算開拍一套太空題材電影?)我都想演,呢個係另一挑戰。(主動向古天樂自薦嗎?)知道古生好忙,我都係搵自己老闆黃百鳴轉達較好,或者老闆都會開呢類戲,因為現在係一個熱潮。」

問他是否也想成為科幻英雄片主角?栢天男說:「香港隊長或蝙蝠俠,呢啲角色都能帶訊息畀大家,任何一個城市都需要正面嘅訊息。(你是否演得太多囚犯,想演一些正面角色?)呢個唔使講,我當然想演好人嘅角色,唔想再被人捉,改為捉一啲壞人幫幫社會。哈哈!」

 

栢天男想挑戰自己,演科幻電影。
栢天男想挑戰自己,演科幻電影。
黃祥興
黃祥興
黃建東
黃建東
麥子樂
麥子樂
田雞
田雞

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ 

其他文章
hd