首頁 即時娛樂

七師傅唱笑會門票二手網平價散飛 貴價飛半價入手中價飛100蚊有售

12/08/2022 18:30:00


七師傅憑主持ViuTV靈探真人騷節目《鬼同你上位》及《七救星》爆紅,今日及明日分別於九展舉行兩場《師傅七都識唱笑會》,門票價錢分別為 $777、$577及$377 。

 

七師傅稱騷前冇準備又冇練習,因練習會導致緊張,故昨日只係唸經修行及護膚。
七師傅稱騷前冇準備又冇練習,因練習會導致緊張,故昨日只係唸經修行及護膚。

 

七師傅今日出席拜神儀式,透露唱笑會反應熱烈,門票一早售罄,上售票網睇,門票的確已Sold Out,佢仲話欠下好多飛債,惟有自掏腰包以高價購買門票再贈朋友,仲話一張飛最貴要兩千幾蚊,即係買炒飛啦。嗱,七師傅真係好識玩,一句說話就暗示自己受歡迎,仲有炒飛添。

 
售票網有SOLD OUT顯示。
售票網有SOLD OUT顯示。

 

不過,七師傅會唔會俾人呃呀?二手買賣平台Carousell有大量唱笑會門票提供,仲要$777可買兩張飛,即半價已可入手,貴價單丁位更加經濟,放低200蚊就可入場,中價飛$577更只需100蚊,七師傅仲使唔使撲飛畀朋友呀?搵人教吓七師傅喺呢個網搵飛啦,唔好再畀人呃嘞,自己飛都要食炒價,仲要本身冇得炒呢。

 
二手買賣平台有好多唱笑會嘅飛。
二手買賣平台有好多唱笑會嘅飛。
200蚊就係買原價777蚊嘅飛。
200蚊就係買原價777蚊嘅飛。
呢個就800蚊兩張,即係半價。
呢個就800蚊兩張,即係半價。
呢個都係200蚊就坐到貴價位。
呢個都係200蚊就坐到貴價位。
呢個都係半價,777蚊就有兩張。
呢個都係半價,777蚊就有兩張。
呢個中價飛只需100蚊,平過睇IMAX喎。
呢個中價飛只需100蚊,平過睇IMAX喎。

 

其實好多網民對七師傅開Show覺得不可思議,笑言「入場聽佢Xup,車錢唔洗錢呀?」、「包一餐五星酒店自助餐或者可以去」、「免費都唔會去la」、「去如心廣場食餐飯就有飛送」、「睇電視唔洗錢睇佢都ok,比錢點解要睇佢」,仲疑惑究竟咩人會入場睇?今晚咪知囉。

 
車錢都貴呀。
車錢都貴呀。
有無人因為咁而有飛?
有無人因為咁而有飛?
呢個我可以。
呢個我可以。
駁唔到。
駁唔到。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ 

其他文章
hd