首頁 即時娛樂

丁子朗選港男前係四眼宅男 個樣似「隔離師奶個仔」曾不被睇好

13/08/2022 07:00:00


丁子朗(Karl)接受林柏希主持的網上節目《月傾會》訪問,2016年參選港男入行的丁子朗,透露在加拿大讀書時是一個四眼宅男薯仔,他說:「佢(TVB)簽我返嚟都話唔好睇,純粹貪我個樣夠親切,似隔離師奶個仔!」

入行6年,丁子朗最感挫敗一次,是跟阿姐汪明荃做一個粵劇頒獎禮的司儀,由於自己不停NG,要全世界等他一個,令他一額汗:「我直頭諗緊我係咪啱做司儀,但阿姐好好,佢話你唔得我幫你講埋佢啦,我真係喊出嚟!」

 

當初TVB簽丁子朗返嚟都覺得佢唔係咁好睇,純粹貪佢個樣夠親切。
當初TVB簽丁子朗返嚟都覺得佢唔係咁好睇,純粹貪佢個樣夠親切。
丁子朗係《2016年度香港先生選舉》亞軍。
丁子朗係《2016年度香港先生選舉》亞軍。
丁子朗選港男時已經好大隻。
丁子朗選港男時已經好大隻。
丁子朗感激阿姐好照顧。
丁子朗感激阿姐好照顧。

 

談到愛情生活,25歲丁子朗自爆由18歲初戀開始,至今拍過三次拖,他直認並非一個稱職男友,笑言希望下一段戀情能與圈外人拍拖:「因為我覺得圈內人成日大家都知道大家啲通告,好似冇乜privacy,哈哈哈!」至於緋聞女友林宣妤,他說:「都係一個好朋友嘅階段,大家都係好好認識嘅!」

他承認有圈中女藝人主動追求,而他亦有過心儀對象,丁子朗說:「拍劇時候,長期相處實會有一啲感情出現嘅!(邊套劇?)邊套就你自己諗啦,拍劇對象啦!」可惜最後未能成功,而丁子朗就透露這位曾經追過的女拍檔,至今只合作過一次!

 
接受林柏希訪問。
接受林柏希訪問。
喺加拿大讀書時,丁子朗真係一個四眼宅男樣,勁薯。
喺加拿大讀書時,丁子朗真係一個四眼宅男樣,勁薯。

 

想同古仔hehe做拍檔 

成日晒肌,丁子朗曾在《森美旅行團》節目全裸出鏡,拍攝時要請走麥美恩、吳若希及女PA,並要先跟導演處理「走光」片段後才交給人剪輯。丁子朗承認獲不少同志垂青,收過不少裸照!問到如果開拍BL劇,想找邊個做對手?丁子朗好快有答案:「古天樂囉,《大叔的愛》咁樣,哈哈哈,古天樂都真係幾好呀,佢由後生靚到依家,真係冇得輸!我都想自己年紀大咗少少之後,可以成為古天樂!」

 
最大膽一次,就係拍《森美旅行團》全裸出鏡,丁子朗承認收過唔少同志裸照。
最大膽一次,就係拍《森美旅行團》全裸出鏡,丁子朗承認收過唔少同志裸照。

 

戥好兄弟余德丞離巢開心

對於好兄弟余德丞離巢TVB,丁子朗亦戥對方開心:「我覺得係正,但係唔會係少隻香爐少隻鬼!正嘅原因,係我好戥佢開心,因為我知道佢係好想睇呢個世界,大家都見到佢嘅發展係非常之好!」最後他預告將在《法證先鋒V》飾演一個沉默的法醫,他自言好喜歡這個角色。
戥好兄弟余德丞有新發展開心。
戥好兄弟余德丞有新發展開心。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ 

其他文章
hd