首頁 即時娛樂

陳豪向朱千雪傳授生3個秘技 享受人生:一係唔嚟一嚟好快

13/08/2022 15:00:00


陳豪和朱千雪今日在尖沙咀出席醫美中心開幕活動,2人都自認貪靚,陳豪說在娛樂圈工作不可不貪靚,藝人有責任將最好一面呈現觀眾眼前,扮靚是工作份內事,就算他不貪靚,老婆陳茵媺都會捉住他扮靚,稱老婆是他的專家。問到陳茵媺會如何為他扮靚?陳豪笑言:「唔會將缺點話畀大家知,現時已遲咗,但遲到好過冇到,盡量補救,好似一棵樹,邊個位旺盛就要努力淋水、跳舞、唱歌畀佢聽,全部係努力,愈年輕注意護膚,知道太陽嘅威力,好多事都唔會做。囡囡好彩,早啲灌輸護膚知識畀佢知,皮膚會保持耐啲。」

朱千雪直言女士貪靚是天性,近年少拍劇反而有時間護膚,人長大不可以好似10年前,完全不護膚都超級有彈性。此外,她老公比較懶,她會幫老公護膚,與他分享護膚品。

 

陳豪同朱千雪都係貪靚嘅人。
陳豪同朱千雪都係貪靚嘅人。

 
陳豪話好彩有老婆,一早教囡囡護膚。
陳豪話好彩有老婆,一早教囡囡護膚。

 
朱千雪今年入行10周年,但暫時未有時間拍劇。
朱千雪今年入行10周年,但暫時未有時間拍劇。

 
陳豪話生仔嘅嘢:「一係唔嚟,一嚟好快。」
陳豪話生仔嘅嘢:「一係唔嚟,一嚟好快。」

 

陳豪與陳茵媺拍劇想盡量少一齊

陳茵媺9月將復出拍劇,劇中與陳豪飾演情侶,陳豪指太太的角色有變化,而且有動作,對她考驗較大,他寧願多做她背後的男人,一直他與太太也不想在幕前合作,現實生活他們是夫妻,令觀眾少了幻想,今次交給監製處理,盡量少安排一齊。至於照顧小朋友的問題,他說小朋友即將開學,為小朋友安排好一切才可安心專注工作。

朱千雪表示知道陳豪及陳茵媺拍劇表示好想睇,不過最近她較繁忙,難以安排時間拍劇,能出席活動已經滿足。她偶然會睇劇,她媽媽在加拿大有追劇,也希望媽媽追劇看到她,遲一步再考慮。問及造人計劃進展?她稱順其自然,今年是她入行10周年,並定下目標希望回復參選狀態,待收身及養好身體再展開下一個計劃。叫身邊陳豪過兩招給她,陳豪笑笑口叫她好好地享受人生。朱千雪表示有三個小朋友都開心,自己都是三姊妹,可以的話都想生三個小朋友,但不知有沒有這麼叻。陳豪則說:「一係唔嚟,一嚟好快,好多事冥冥中有主宰,我自己都係三兄弟。」

 
陳豪係圈中出名多仔公,3年抱3。
陳豪係圈中出名多仔公,3年抱3。

 
陳豪傳授生仔秘技。
陳豪傳授生仔秘技。

 
朱千雪話都想同老公生3個。
朱千雪話都想同老公生3個。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

其他文章
hd