首頁 即時娛樂

獎門人丨李思捷硬晒軚扮人體器官 Bob硬啪三嚿辣辣壽司噴鼻血

14/08/2022 19:00:00


《開心無敵獎門人》今晚(14日)播出第三集,「獎老」王祖藍、阮兆祥落場玩埋一份,與李思捷、商天娥及鄺文珣組成「福祿壽隊」,決戰「大玩特玩隊」的林盛斌(Bob)、林秀怡、周志康、楊潮凱及朱智賢。

經典遊戲「開心無敵燈燈燈」首度重現,眾人要邊玩紅綠燈邊做出指定動作,其中一條問題「扮一個人體器官」時,出名扮嘢叻的思捷企到直筆甩硬晒軚兼雙手抱緊自己,他笑着解釋:「呢個係冇收縮嘅器官,呢個係頭(郁郁頭說),呢個係(郁郁手說),之後嗰啲你哋估啦!」答案相當耐人尋味。祖藍及Bob亦玩得好盡情,祖藍玩到撼頭埋牆兼全身趴地,Bob則除衫露出大肚腩兼騷胳肋底,究竟扮咩要扮到咁呢?

 

「大玩特玩隊」嘅Bob扮超人飛出場。
「大玩特玩隊」嘅Bob扮超人飛出場。
「福祿壽隊」王祖藍(左起)、鄺文珣、李思捷、商天娥、阮兆祥。
「福祿壽隊」王祖藍(左起)、鄺文珣、李思捷、商天娥、阮兆祥。
Super~
Super~

 
鄺文珣玩得好Enjoy。
鄺文珣玩得好Enjoy。

 

「辣辣壽司邊個食」環節今集同樣精彩,Bob慘遭隊友大整蠱,被林秀怡、朱智賢將食剩的辣辣壽司強行質落口,慘遭酷刑的Bob即時瞪大雙眼大嗌:「癡線㗎你哋!」連啪三嚿辣辣壽司的Bob更一度激動得流鼻血,十分誇張。而在一直備受觀眾喜愛的「開心無敵彈遮遮」環節中,當出到泰文題時,祖藍及Bob即自誇與泰國甚有淵源,更自稱是泰國人及當地華僑,可惜最終答案卻得啖笑,最後兩人決定放飛自我「任雨灑我面」,相當爆笑。

 
思捷企到直筆甩,究竟係扮咩器官呢?
思捷企到直筆甩,究竟係扮咩器官呢?
娥姐個樣好搞鬼。
娥姐個樣好搞鬼。
Bob玩到除衫。
Bob玩到除衫。
林秀怡、朱智賢質阿Bob食食剩嘅辣辣壽司。
林秀怡、朱智賢質阿Bob食食剩嘅辣辣壽司。
搞到Bob流鼻血,小心身體呀!
搞到Bob流鼻血,小心身體呀!
睇朱智賢同林秀怡個樣就知現場係有幾咁歡樂。
睇朱智賢同林秀怡個樣就知現場係有幾咁歡樂。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ 

其他文章
hd