首頁 即時娛樂

阿儀揸電單車唔識收掣嚇親人 霸氣回應網民性騷擾留言

14/08/2022 21:30:00


「亞視一姐」阿儀(薛影儀)早前被爆曾遭亞視拖糧,事後她受訪直認曾被拖糧幾個月,而6、7月亦未知是否已出糧,又呻近月工作量亦減少。而日前她出席一個與賽車相關的活動,以賽車女郎打扮上陣,於IG晒出新相時,亦有不少網民關心她出咗糧未,不過一向喜歡與網民對話的阿儀,這次就沒有回覆出糧相關問題。

 

阿儀早前被爆曾遭亞視拖糧。
阿儀早前被爆曾遭亞視拖糧。

 
阿儀(右7)日前以賽車女郎打扮出席活動。​
阿儀(右7)日前以賽車女郎打扮出席活動。​

 
阿儀(左)影相慣咗唔笑,但心情應該唔錯。
阿儀(左)影相慣咗唔笑,但心情應該唔錯。

 
企到好直同恐龍影相。
企到好直同恐龍影相。

 

阿儀似乎都唔係好擔心出咗糧未,看她於活動上都玩得好開心,更大膽上陣玩電單車,不過就因為唔識收掣,一上車就畀油不斷向前衝,差啲就人車分離,睇片都覺得危險,連一旁的工作人員都嚇到追住阿儀。雖然工作人員有讚阿儀表現已經好好,但他身體卻很誠實,即時騎上電單車,等阿儀無機會再試車。
 
阿儀大膽上陣玩電單車。
阿儀大膽上陣玩電單車。

 
阿儀一上車就狂畀油,已經人車分離,都唔縮手。
阿儀一上車就狂畀油,已經人車分離,都唔縮手。

 
阿儀搞到部電單車爭啲起飛。
阿儀搞到部電單車爭啲起飛。

 
工作人員細心講解點收油。
工作人員細心講解點收油。

 
阿儀信心滿滿再出發。
阿儀信心滿滿再出發。

 
阿儀再次上車,即刻好似想飛甩個工作人員咁向前直衝。
阿儀再次上車,即刻好似想飛甩個工作人員咁向前直衝。

 
又人車分離啦!工作人員狂奔救阿儀。
又人車分離啦!工作人員狂奔救阿儀。

 
工作人員口就讚阿儀做得好,但好明顯唔打算再畀阿儀上車。​
工作人員口就讚阿儀做得好,但好明顯唔打算再畀阿儀上車。​

 

影片上載IG後,網民就質疑阿儀算唔算無牌駕駛,又讚阿儀好大膽。不過有啲網民睇到阿儀的賽車女郎打扮,就留言問「阿儀你個衰妹件衫入面有冇戴罩」等性騷擾言論,阿儀就霸氣回應:「你問埋啲無聊嘢!」唔多想理會惡意留言的阿儀,之後都無視其他含欺凌成份的留言。

 
阿儀一身賽車女郎打扮都引起網民討論。
阿儀一身賽車女郎打扮都引起網民討論。

 
有網民留言講啲疑似性騷擾言論,阿儀未驚過。
有網民留言講啲疑似性騷擾言論,阿儀未驚過。

 
有網民關心阿儀仲有冇被亞視拖糧。
有網民關心阿儀仲有冇被亞視拖糧。

 
阿儀IG留言區經常充斥住大量惡意留言。
阿儀IG留言區經常充斥住大量惡意留言。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

其他文章
hd