首頁 即時娛樂

黃嘉樂靚仔童顏反遭定型「御用細佬」 憶亡父淚崩:跪地同佢講唔好走

17/08/2022 08:00:00


「不要輕言放棄」,這是43歲黃嘉樂的人生座右銘。入行21年、曾參演不少電視劇及電影的他,雖然至今還未當上男一,但仍一直堅持追逐「演藝夢」,原來全因與亡父有過約定。

於劇集《痞子殿下》中飾演三王子「紀揚」的嘉樂,早前接受TVB娛樂新聞台《星光路上》主持人潘盈慧訪問,大談父親如何「影響」其事業。中學畢業後,嘉樂本來疊埋心水做海關,但因爸爸反對改為到電訊公司工作,豈料因一次出勤到清水灣電視城藝員部整電話,憑藉殺食外型獲邀入讀藝訓班,當時嘉樂即時反應是:「乜做呢行唔係要有後台咩?」事後,經多番考慮及爸爸同意下決定投身電視圈。

黃嘉樂接受《星光路上》主持人潘盈慧訪問。
黃嘉樂接受《星光路上》主持人潘盈慧訪問。
嘉樂提起亡父哭成淚人,直言因為對爸爸承諾,所以堅持追尋演藝夢。
嘉樂提起亡父哭成淚人,直言因為對爸爸承諾,所以堅持追尋演藝夢。

 
爸爸離世後,嘉樂更愛錫媽媽。
爸爸離世後,嘉樂更愛錫媽媽。

 
嘉樂本來疊埋心水做海關,但遭爸爸反對。
嘉樂本來疊埋心水做海關,但遭爸爸反對。

 

難忘與Liza姐「飛紙仔」

藝訓班畢業後,嘉樂順利接拍處男劇《無考不成冤家》,與「Liza姐」汪明荃飾演母子,他稱最難忘是跟Liza姐「飛紙仔」演對手戲,當年仍是新人的嘉樂自然「驚到震」,但因阿姐全程予以鼓勵,令嘉樂得以「零壓力」完成任務。由於處男劇戲份不少,嘉樂坦言當時惹來同期演員冷言冷語,更遭質疑是否有後台。

 
因一次出勤到清水灣電視城藝員部整電話,結果被招攬入讀藝訓班。
因一次出勤到清水灣電視城藝員部整電話,結果被招攬入讀藝訓班。
嘉樂感激Liza姐鼓勵。
嘉樂感激Liza姐鼓勵。

 

因為天生童顏,嘉樂在電視圈打滾了近9年也未能突破「御用細佬」框框,2011年機緣巧合下轉戰內地、並在中央電視台古裝神話劇《媽祖》擔任要角。正當事業稍見起色,嘉樂父親卻癌病惡化,正當嘉樂感茫然之際,監製梁材遠邀請他回巢拍攝《守業者》,嘉樂便決定返回香港發展兼陪伴亡父走過最後的日子。提及亡父,嘉樂忍不住哽咽謂:「爸爸未過身前,我跪地同佢講唔好走,我話我(嘅事業)會好㗎,但結果佢都係睇唔到……我問佢有冇覺得我入錯行?佢話冇,又叫我畀心機、唔好放棄,我先可以繼續堅持到今日,所以千祈唔好再問我『做咁耐都係啲唔太緊要嘅角色,點解仲繼續做?』,因為我應承咗爸爸。」

 
嘉樂天生童顏,但亦限制咗佢演藝發展。
嘉樂天生童顏,但亦限制咗佢演藝發展。
黃嘉樂入行早年多番飾演「少不更事的細佬」。
黃嘉樂入行早年多番飾演「少不更事的細佬」。

 
黃嘉樂讀訓練班期間,曾跑龍套參演古裝喜劇《皆大歡喜》。
黃嘉樂讀訓練班期間,曾跑龍套參演古裝喜劇《皆大歡喜》。
嘉樂曾經以為入娛樂圈一定要有後台。
嘉樂曾經以為入娛樂圈一定要有後台。

 

另外,嘉樂還大爆圈外未婚妻Samantha曾批評其演技:「佢話我做得好差,開頭我都嬲,但慢慢知道佢係為我好,我咪死死地氣喺佢見唔到嗰時自己練(演技)囉;同埋我係易忟憎嘅人,每次佢話我做乜咁惡時,都會幫到我改善待人接物技巧。」最後嘉樂更對著鏡頭向Samantha承諾會努力工作,並希望將來能晉升男一,畫面感人。

 
嘉樂感激未婚妻Samantha曾批評佢嘅演技,亦係一種鞭策。
嘉樂感激未婚妻Samantha曾批評佢嘅演技,亦係一種鞭策。
黃嘉樂留鬚一改形象,成功擴闊戲路。
黃嘉樂留鬚一改形象,成功擴闊戲路。

 

 

立即下載 | 全新《星島頭條》APP : https://bit.ly/3yLrgYZ 

其他文章
hd