首頁 即時娛樂

獨家丨黎諾懿連環洩密先爆蒙嘉慧日本讀緊書 再爆伊健留港玩水唔陪老婆

18/08/2022 06:58:00


黎諾懿於疫境下事業有大突破,除變身「疫境廚神」主持飲食節目《滿足的味道》外,仲做埋飲食集團創意大使,今年繼續推出慈善月餅。黎諾懿除咗忙工作同照顧妻兒,一有時間就會湊埋鄭伊健去玩。黎諾懿爆料指阿Yo(蒙嘉慧)喺日本讀緊書,短期內唔會返嚟:「伊健可能怕悶,𠵱家喺香港玩水都唔過去。」。採訪:方騫平 攝影:鄧國良 場地:Maison Gaia

黎諾懿事業發展得唔錯。
黎諾懿事業發展得唔錯。
鄭太蒙嘉慧喺日本,打理房地產生意同時仲讀緊書。
鄭太蒙嘉慧喺日本,打理房地產生意同時仲讀緊書。
鄭伊健愛跟朋友與陽光玩遊戲。
鄭伊健愛跟朋友與陽光玩遊戲。
黎諾懿跟鄭伊健識於微時,前者有嘢要幫手,後者一定現身幫忙。
黎諾懿跟鄭伊健識於微時,前者有嘢要幫手,後者一定現身幫忙。

黎諾懿主持6集的TVB飲食節目《滿足的味道》,介紹香港美食如燒肉、雲吞麵、煲仔飯及燒賣等,更會探討食物背後的故事及情懷等,片頭曲更邀得金像級日籍音樂人波多野裕介作曲,雖然節目拍到超晒支,但仍獲總經理曾志偉力撐,令他相當有滿足感。「疫境廚神」成為黎諾懿的Icon,不過他無意開餐廳:「唔少人搵過我合資,但唔係咁簡單,除咗要承擔風險,仲要對食客有責任,拍嘢容易分心,而且我對水準咁執著,咁嘅經營模式好快會執笠!都係做住飲食集團創意大使先,今年我會繼續推出慈善月餅,將收益捐畀低收入家庭、盲人輔導會等。」
黎諾懿今年會繼續推出月餅行善。
黎諾懿今年會繼續推出月餅行善。
黎諾懿近年推出自家品牌月餅做善事,同林柏希一齊送埋貨。
黎諾懿近年推出自家品牌月餅做善事,同林柏希一齊送埋貨。

 
《滿足的味道》其中一個主題係雲吞麵。
《滿足的味道》其中一個主題係雲吞麵。
黎諾懿到屯門燒豬工場,深入地窖介紹長達半世紀歷史的大火爐。
黎諾懿到屯門燒豬工場,深入地窖介紹長達半世紀歷史的大火爐。
黎諾懿成為飲食集團創意大使先,負責設計菜單。
黎諾懿成為飲食集團創意大使先,負責設計菜單。

指伊健擔屎唔偷食

提到老友蒙嘉慧去年與老公鄭伊健移居到日本福岡,鄭太更獲老公打本7位數於當地開設房地產公司。而每年中秋節,黎諾懿一定約埋鄭伊健一家食月餅賞月。今年黎諾懿會額外向造餅師傅,「柯打」一個20黃巨型月餅自用,更預告將會同「一枝公」嘅伊健共渡佳節:「阿Yo今年中秋唔會返嚟,因為佢喺當地讀緊兩個課程,其中一個係日文。𠵱家伊健喺香港成日同我玩水上活動,我哋學緊啲新嘢,玩衝浪風帆。」
蒙嘉慧身處日本返學兼努力搞生意。
蒙嘉慧身處日本返學兼努力搞生意。
伊健早前拍完台劇《百萬人推理》已由台灣返港。
伊健早前拍完台劇《百萬人推理》已由台灣返港。
每年黎諾懿都會同鄭伊健共渡中秋佳節。
每年黎諾懿都會同鄭伊健共渡中秋佳節。
鄭伊健今年冇老婆陪過中秋,但仲有老友同父母。
鄭伊健今年冇老婆陪過中秋,但仲有老友同父母。

笑他湊住寂寞「人夫」,諾懿即說:「唔好咁講,佢『湊』住我畀空間我出去偷懶啫!伊健出名穩陣到『擔屎都唔偷食』,同佢一齊老婆一定唔擔心,反而覺得由佢𥄫返住我。」至於點解伊健唔「返鄉下」慰妻呢?黎諾懿就作出分析:「可能佢覺得冇我哋陪佢玩水怕悶,而老婆返港又要隔離咁麻煩就算把啦。其實我都贊成小別勝新婚,咁樣反而變返有愛情驚喜。」
鄭伊健跟蒙嘉慧近10年婚姻,「保鮮」方法係小別勝新婚。
鄭伊健跟蒙嘉慧近10年婚姻,「保鮮」方法係小別勝新婚。

稱高海寧冇新戀情
至於35歲高海寧(高Ling)最近喺社交網晒甜蜜留言,疑似出現新戀情,黎諾懿就叫大家唔好諗太多:「日前先同佢食過飯,以我哋嘅關係,佢有會同我講,我仲乜同佢隱瞞?佢一直想有個家,佢有我會戥佢開心。」黎諾懿又感恩有個好老婆李潔瑩,令42歲的他可以專心工作:「我同老婆好少嘈交,但最近佢發長文忟我教壞個仔(小春雞),因為我成日用輕鬆方式話個仔『老表!好快手啲嗱喎!』搞到個仔咁嘅態度對住老師,老師要見家長反映,我唯有同老婆講『小朋友慢慢教!』點知老婆忟爆回應『係要教好你呀!個仔學晒你啲嘢。』」
黎諾懿代高Ling否認有新戀情。
黎諾懿代高Ling否認有新戀情。
老婆怪黎諾懿教壞兒子「小春雞」。
老婆怪黎諾懿教壞兒子「小春雞」。

立即下載 | 全新《星島頭條》APP : https://bit.ly/3yLrgYZ

其他文章
hd