首頁 即時娛樂

劉浩龍因為工作荒廢玩撲克無乜生疏 郭偉亮自認牌技渣唔敢教班

18/08/2022 22:45:00


劉浩龍(師兄)與郭偉亮(Eric)今晚到銅鑼灣出席亞洲撲克學院活動,同場更有黃柏高。二人曾合作經營影片頻道請圈中好友玩撲克牌,也有亮相J2台節目《鋪鋪Poker》,他們表示想推廣成一項運動,感激頻道獲得不少人支持,師兄笑言:「雖然頻道因為工作荒廢了一段時間,但大家睇完覺得不錯,因為少有用廣東話拍撲克片,有不少愛好者都支持,最終我們揀了和亞洲撲克學院合作,好似一個協會。」問到可會教班?Eric笑言只曉得做主持,自認牌技渣只適合做娛樂,又笑說:「因為一邊玩一邊和嘉賓傾偈,又不能令嘉賓太快輸,要讓他們有多些籌碼繼續玩才好睇,邊玩邊搞氣氛,已經很累了!」

師兄指Eric是講大話高手,而他則比較老實,節目效果豐富,拍影片吸引不少人當電台節目聽訪問,笑言撲克牌在手,嘉賓便比較真性情。他們又預告影片頻道將有第二季,好兄弟側田會是首集嘉賓,笑指他十分叻,今輯會安排更多靚女及酒,希望令嘉賓更暢所欲言,Eric笑指師兄飲多幾杯便見大膽,牌技變得深不可測。

 

亞洲撲克學院今日舉行活動。
亞洲撲克學院今日舉行活動。
同場仲有黃柏高(中)。
同場仲有黃柏高(中)。
劉浩龍(右)因為工作荒廢玩撲克,但幸好無乜生疏,而郭偉亮則自認牌技渣唔敢教班。​
劉浩龍(右)因為工作荒廢玩撲克,但幸好無乜生疏,而郭偉亮則自認牌技渣唔敢教班。​

 

立即下載 | 全新《星島頭條》APP : https://bit.ly/3yLrgYZ

其他文章
hd