首頁 即時娛樂

小肥尾場騷喊住認未做到100% 被觀眾要求除褲大叫:冲涼咪除囉

16/09/2022 15:45:00


小肥一連兩晚的《「撐」小肥演唱會》,昨晚假旺角麥花臣場館舉行尾場,小肥一眾好友如陳志雲、方皓玟、鄭融、張紋嘉、鍾舒漫及江若琳與丈夫蕭唯展等亦有前來捧場。

尾場繼續有陳柏宇做嘉賓。
尾場繼續有陳柏宇做嘉賓。

廖子妤陳柏宇任嘉賓
小肥以《時光機》為演唱會揭開序幕,表現興奮的他整晚在台上到處走,又在台上玩自轉,而唱到《內外》時更特別介紹這是他的出櫃歌,之後他又自嘲自己唱歌尾音似肥媽。身為澳門人的小肥,在個唱上分享自己對香港的感覺,更比喻自己依賴香港的程度就等於「仔依賴阿媽」一樣。之後小肥又找來廖子妤(Fish)在個唱上聲演獨白,以及與嘉賓陳柏宇合唱《羅生門》。
嘉賓仲有廖子妤。
嘉賓仲有廖子妤。

小肥之後提到自己想做「100%小肥」,雖然一直未得,但自選擇在陳志雲節目上出櫃後覺得自己進步了很多,「以前同啲人有隔膜,可能係自己諗太多同自卑,出櫃後就有變化,但仍未到『100%小肥』,希望快啲達到,到時做咩都唔怕,除褲都唔怕!」觀眾聽罷後即大叫「除褲」,小肥即笑說:「黐線㗎你哋!冲涼咪除囉!」
小肥話做到「100%小肥」連除褲都唔怕,即被觀眾要求除褲。
小肥話做到「100%小肥」連除褲都唔怕,即被觀眾要求除褲。

完騷最想打邊爐同游水
唱完《負親》後,小肥指這首歌是當年父親離世後火火給他寫的歌,他指之後除了有很多身邊人突然離世外,近年亦有很多人離開香港,故他希望大家都可以珍惜眼前的人和物。唱到《觸景傷城》時,小肥忍不住落淚,他事後指入行後有很多風風雨雨,又笑指可能因自己重的關係搞到唱片公司地震,又感性地說:「發現身邊有好多同路人好感動,希望大家頂住,你撐我時我都撐你哋。」
小肥好感觸,喊住叫大家撐一齊落去。
小肥好感觸,喊住叫大家撐一齊落去。

小肥在完騷後表示今次開兩場已「夠皮」,因為他已豁出所有,問到今次給自己多少分?他說:「大概85分,唔滿意仲有啲小甩漏同錯誤,個心唔知飛去邊,有時要顧住睇提字器又搞到分心。」提到他剛在台上喊,他坦言今次歌單上有很多歌也搞喊自己:「喊出嚟係好事,但又怕影響之後演出,但已經比預期中喊得少。」至於是否想搞Part 2,或到更大場地開騷?小肥指要睇老闆決定,但自己當然想再開,而他又笑言完騷後最想做的事就是打邊爐及游水。
完騷後,小肥話最想食打邊爐同去游水。
完騷後,小肥話最想食打邊爐同去游水。
《「撐」小肥演唱會》
《「撐」小肥演唱會》

 

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

 

其他文章
hd