首頁 即時娛樂

香港小姐2022|冠軍林鈺洧曾被父親林俊賢潑冷水 以成績證明唔係玩玩吓

25/09/2022 23:46:00


《2022香港小姐競選 》今晚(25日)在紅磡香港體育館舉行,新鮮出爐的三甲連同友誼小姐得主於紅館現場接受司儀陸浩明訪問。出爐冠軍是林俊賢27歲愛女林鈺洧,她於奪獎一刻表現驚訝,她於節目《2022香港小姐美麗繼承者》受訪表示:「其實我仲有啲唔係咁相信自己攞咗冠軍,因為我覺得自己表現唔係話十分好。」林鈺洧更開心到有些語無倫次,並表現有些呆。但講到有甚麼說話想對父親林俊賢說,就即變開籠雀,「我嗰陣時問你(林俊賢)呢……好唔好參選香港小姐呢,你同我講唔好玩,你睇吓而家我攞咗冠軍喇!多謝!」非常招積。

【相關閱讀】香港小姐2022·三甲賽果|林俊賢愛女林鈺洧奪冠 爆炸頭徐麟大熱倒灶

【點擊睇新鮮出爐港姐三甲靚相】

新鮮出爐港姐三甲:(左起)許子萱、林鈺洧、梁超怡。
新鮮出爐港姐三甲:(左起)許子萱、林鈺洧、梁超怡。
出爐冠軍是林俊賢27歲愛女林鈺洧。
出爐冠軍是林俊賢27歲愛女林鈺洧。
林鈺洧於奪獎一刻表現驚訝。
林鈺洧於奪獎一刻表現驚訝。
林鈺洧事後受訪表示:「其實我仲有啲唔係咁相信自己攞咗冠軍,因為我覺得自己表現唔係話十分好。」
林鈺洧事後受訪表示:「其實我仲有啲唔係咁相信自己攞咗冠軍,因為我覺得自己表現唔係話十分好。」
得獎者與最上鏡小姐評判團合照。
得獎者與最上鏡小姐評判團合照。
林鈺洧接受司儀陸浩明訪問,開心到有些語無倫次。
林鈺洧接受司儀陸浩明訪問,開心到有些語無倫次。
林鈺洧父親林俊賢以為女兒表示想參選港姐是玩玩吓。
林鈺洧父親林俊賢以為女兒表示想參選港姐是玩玩吓。
林俊賢最初得知女兒想參選港姐,竟表示:「唔好玩啦!」
林俊賢最初得知女兒想參選港姐,竟表示:「唔好玩啦!」
三甲及友誼小姐齊齊做訪問。
三甲及友誼小姐齊齊做訪問。
自拍。
自拍。
邢慧敏奪得「友誼小姐」。
邢慧敏奪得「友誼小姐」。
許子萱(左二)奪得亞軍、「國際親善小姐」及「生態保育大使」,她表示好開心識到咁多好朋友。
許子萱(左二)奪得亞軍、「國際親善小姐」及「生態保育大使」,她表示好開心識到咁多好朋友。
季軍及最上鏡小姐得主梁超怡。
季軍及最上鏡小姐得主梁超怡。

林鈺洧接受傳媒訪問時亦再表示不滿意自己表現,她稱可能對自己要求高有點苛刻,最不滿意是問答環節,控制時間方面不太好。問她爸爸林俊賢有沒有來支持?她指爸爸在內地,因不想隔離沒有返港,但他在香港好多朋友,應該知道她得獎。得獎後她透露曾被父親「踩台」,她在5月中截止報名前參選,她問過爸爸意見,但爸爸叫她唔好玩,她被這句說話有點激發。這刻她最想瞓番場好覺,因參選這個旅程感覺有點攰,不過是美好回憶,她從來沒參加大型比賽。對於入行則抱開放態度,最想做慈善方面工作。

 

而奪得亞軍、「國際親善小姐」及「生態保育大使」的許子萱,受訪時表示:「我覺得好開心,因為對於我嚟講都係一次好難忘嘅經歷,識到咁多好朋友,咁多位咁優秀嘅佳麗。我覺得的確是我人生路上一個好重要嘅篇章,我都好期待跟住落嚟嘅路程。」而季軍及最上鏡小姐得主梁超怡則表示辛苦了幾個月,得到自己滿意的成績同樣表示好開心。至於賽前被視為大熱、奪得「友誼小姐」的邢慧敏這次卻10強不入,她受訪時分享奪得「友誼小姐」的心得,「做自己,可能我本身個人都比較直率,所以就咩都同大家講,冇秘密囉!」

 

【其他文章】

香港小姐2022|林俊賢女兒林鈺洧奪冠 作風大膽曾自爆有5個性伴侶鍾意持久力強

香港小姐2022︱許子萱奪亞軍!狂騷玲瓏身材成風頭躉 22歲出自傳上電視相睇

香港小姐2022︱梁超怡奪季軍 被封「翻版孫藝珍」曾參演《無間道》與梁朝偉對戲

 

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

其他文章
hd