首頁 即時娛樂

香港小姐2022丨冠軍林鈺洧自覺IG相唔性感 亞軍許子萱成臉生粒粒

27/09/2022 19:30:00


出爐港姐冠軍林鈺洧(Denice)、亞軍許子萱、季軍梁超怡及友誼小姐邢慧敏今日到尖沙咀領獎。林鈺洧指未計算得到冠軍後的禮物總價值,但她會將后冠放在書房,提醒自己是港姐外,亦可紀念這次參選的過程。

【點擊睇林鈺洧靚相】:

4位港姐今日出動領獎!
4位港姐今日出動領獎!
略見疲態。
略見疲態。
亞軍同季軍狀態反而幾好!
亞軍同季軍狀態反而幾好!
許子萱臉上長滿粒粒,不過她覺得值得!
許子萱臉上長滿粒粒,不過她覺得值得!
林鈺洧未有統計有幾多獎金同獎品。
林鈺洧未有統計有幾多獎金同獎品。
梁超怡滿意自己嘅身材。
梁超怡滿意自己嘅身材。

林鈺洧指得奬後爸爸林俊賢有傳訊息給她,更指他有讚自己的對答得不錯,問到何時跟爸爸慶祝,她指因爸爸長駐大陸,故要自己放假才能去找爸爸,再問會否介意日後以「父女檔」上陣?她說:「冇問題!」Denice又稱媽媽一直很支持自己參選,覺得這是一件有理想的事情:「佢成日都有提醒我要笑多啲,自信啲,同埋對自己有信心,畀咗好多支持我。」而她更爆媽媽當年曾有意參選港姐,但最後因猶豫而選擇做幕後:「好似慧妍雅集40周年嗰本書都係佢做。(有冇攞你后冠帶?)佢又冇叫,但我會格硬擺上佢個頭。」

許子萱成臉生粒粒

對於近日馬不停蹄出席活動,一臉疲態的Denice表示自己近月未試過瞓足8小時,而邢慧敏則説:「本身以為完咗就可以放幾日假,但原來唔係。」至於如何慶祝獲獎,Denice指昨日已有朋友到自己家中,為她和邢慧敏煮了三餸一湯及送上禮物慶祝, 問到是否已很久沒吃到那麼飽,刑慧敏即説:「係呀!」

另外,許子萱和梁超怡狀態明顯比Denice和邢慧敏好,兩人笑指因決賽後一日睡了6、7小時回復體力。提到許子萱臉上長滿粒粒,她說:「紅館排練嗰幾日壓力都幾大,其實唔止皮膚,成個身體都喺度抗議緊,但我覺得值得,因為對我同19位佳麗嘅表現都好滿意。」問到會否向身旁的梁超怡參考護膚心得?梁超怡聽罷後即表示自己每晚也會敷面膜。談到兩人在社交網中經常貼出照片晒身材,許子萱指每個人對性感的定義都不同,自己亦沒有貼過着比堅尼的照片,故不算太性感,但就坦言對自己的身材有自信:「我覺得呢個係每個女仔都必須要有的自信。」而梁超怡則謂會看出席的活動去穿衣,不過對自己的身材也感滿意,但就笑指體態及身形仍有進步空間。

 

【其他閱讀】:

深宵閃避球丨張致恆《死性不改》惹負評 張敬軒暗寸做一個artist要先學做人

《全民造星》關嘉敏再入《愛回家》變瀨尿Mary 出場即晒逆天長腿
《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

其他文章
hd