首頁 即時娛樂

就是青春丨關心妍任評判建議最緊要練氣 唔鼓勵囡囡急入行:讀咗書先

02/10/2022 20:10:00


 



關心妍(Jade)今日以星級樂迷身份為香港開電視真人騷《就是青春》擔任嘉賓評判,首次拍攝真人騷的Jade表示因囡囡楊榮心(心心)現在讀小學,自己才有時間做這類型的節目。Jade指節目是創造一個明星,她認為參賽者表演唱歌、跳舞同樣重要,但因自己作為歌手及唱歌老師,故會以唱歌為先:「如果佢跳舞跳得好,我都鼓勵佢擺返多啲時間去練下唱歌,因為如果畀你做一個騷,你唔可以由頭到尾都跳舞。體能訓練都緊要,我每日都鞭策自己跑8公里練氣。」Jade又謂很多時大家只顧着練歌而忽略體能,自己以前在日本學唱歌時,第一件事就是去健身室練體能:「唱歌、跳舞甚至演戲,唔夠氣會影響你發揮,希望可以將呢一樣嘢帶到畀佢哋。」

關心妍首擔任真人騷評判。
關心妍首擔任真人騷評判。
關心妍建議參加者多練氣。
關心妍建議參加者多練氣。
關心妍鼓勵囡囡做任何事,但首要讀好書先。
關心妍鼓勵囡囡做任何事,但首要讀好書先。


Jade 指今次對「翻版胡鴻鈞」林躍翰、「翻版林家謙」康志維及年僅13歲的趙啓嵐印象最深刻,問到可會讓囡囡參加這類型比賽,她即說:「讀好啲書先,我覺得無論做乜都好,學業都要繼續,因為同你品格修養有關係,所以我會鼓勵囡囡,讀咗你要讀嘅嘢先,因為做歌手唔容易,都要保障咗自己先。」Jade又笑指自從心心上次登上紅館舞台後就突然愛上唱歌:「佢問我幾時可以再上,我話唔知,媽咪上次都要等咗10年先上到,你等多10年啦,你16歲可能有機會嘅!」至於陳柏宇笑稱自己是眾參賽者的人肉搜尋器,亦會幫他們解決問題,問他是否會有勞氣的時候,他說:「唔會,佢哋又唔係做錯嘢。」
陳柏宇。
陳柏宇。

另外,曾琸庭上次在流浮山拍節目主題曲MV時熱到中暑,她指當日辛苦到反胃,後來休息了10分鐘後便繼續拍攝,問到這麼辛苦,會否怕加入娛樂圈?她說:「唔會,我覺得做呢行一定辛苦。」
(左起)林躍翰、洪韻騏、曾琸庭、梁樂童、阮偉倫。
(左起)林躍翰、洪韻騏、曾琸庭、梁樂童、阮偉倫。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ
 

 

 

其他文章
hd