首頁 即時娛樂

頭條戲場 l 《一台殺戲》唔使帶腦入場睇的懸疑片

03/10/2022 07:00:00


電影故事發生在1953年的倫敦西區劇院,一套好受歡迎的舞台劇《捕鼠器》正計劃搬上大銀幕,不過來自荷里活的大導演科佩尼(Adrien Brody飾演)慘被謀殺,伏屍劇院舞台中央,一眾舞台劇演員及舞台劇創作者「謀殺天后」Agatha Christie全部有嫌疑,以為電影是典型「誰是真兇?」模式的懸疑片?唔係囉,全片玩戲中戲,仲要寸爆一眾懸疑片模式,嘲諷味濃,抽水力極強,適合現今白事當紅事做或相反的傳媒界人士收睇,唔帶腦入場都無問題。(剛上映)撰文:廖思慧
 

Agatha Christie作品已多次被改編成電影和劇集,就算無睇過都應該聽過,如《東方快車謀殺案》及《尼羅河謀殺案》,當然鍾意舞台劇的對《捕鼠器》應該即刻心心眼。《一台殺戲》有別以上,嫌疑者不用證明自己清白,因為搵真兇不是電影重點,反而「玩」諷刺,瀰漫黑色幽默,當中舞台劇角色恥笑的事情,又喺電影中的現實發生,夭心夭肺相當過癮。

激死老探員最好笑
戲中由金像男星Sam Rockwell聯同四度提名奧斯卡的新生代演技派Saoirse Ronan負責查案,前者係挑通眼眉老差骨,後者係洋妞版吳卓羲,衝動又自以為是,聽完A講一句話佢係兇手,之後聽完B講完又覺得自己誤會咗A,一個極凹一個超凸,堪稱史上最唔合拍偵探二人組,但大量黑色幽默由兩人產生,好笑程度係會笑出聲的。

超鍾意上世紀倫敦景,對白精警又點到即止,風格好Wes Anderson但完全唔關佢事,好可愛嘅Ronan帶起全片,最後一幕是經典,可以唔用腦睇戲真係好爽。
 

Sam Rockwell同Saoirse Ronan齊查案,後者因為好鍾意睇戲,所以查案時經常影迷上身,對白不離口激死前者。
Sam Rockwell同Saoirse Ronan齊查案,後者因為好鍾意睇戲,所以查案時經常影迷上身,對白不離口激死前者。
一班舞台劇演員,雖然劇院死咗人,但全部人都唔驚只關心幾時可以再開場。
一班舞台劇演員,雖然劇院死咗人,但全部人都唔驚只關心幾時可以再開場。
舞台劇女主角Sheila Sim(Pearl Chanda飾)唔鍾意已死大導演,所以有嫌疑。
舞台劇女主角Sheila Sim(Pearl Chanda飾)唔鍾意已死大導演,所以有嫌疑。
艾美獎提名男星David Oyelowo飾演劇作家,唔鍾意已死大導演改劇本,所以又有嫌疑。
艾美獎提名男星David Oyelowo飾演劇作家,唔鍾意已死大導演改劇本,所以又有嫌疑。
Harris Dickinson飾演舞台劇男主角,因為一句說話令Ronan覺得佢係兇手。
Harris Dickinson飾演舞台劇男主角,因為一句說話令Ronan覺得佢係兇手。
全片在著名劇院The Old Vic、The Dominion Theatre、St Martin’s Theatre和華麗五星級酒店Savoy Hotel實景拍攝。
全片在著名劇院The Old Vic、The Dominion Theatre、St Martin’s Theatre和華麗五星級酒店Savoy Hotel實景拍攝。
因為孖住查案,Ronan發現Sam好多問題,戲精上腦嘅佢竟然覺得老差骨都有嫌疑。
因為孖住查案,Ronan發現Sam好多問題,戲精上腦嘅佢竟然覺得老差骨都有嫌疑。
Ronan好認真搵料,但Sam唔係,仲搵搵吓走去飲酒令Ronan好不滿。
Ronan好認真搵料,但Sam唔係,仲搵搵吓走去飲酒令Ronan好不滿。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ
 

 

其他文章
hd