首頁 即時娛樂

獨家丨 區瑞強入行45年開演唱會多次遇險 紀念Show嘉賓有袁偉豪夫婦

06/10/2022 07:30:00


區瑞強(Albert)為紀念入行做歌手及DJ 45周年,相隔一年本月尾舉行演唱會《45周年友緣再相聚》,邀請一班歌手及DJ老友出任嘉賓,名單中還有袁偉豪Ben和張寶兒夫婦,又會跟米雪首度合唱《劍合釵圓》,仲會叫羅家英教他唱粵曲,大酬賓咁相當豐富。採訪:杜杜 攝影:朱偉彥

Albert當了45年歌手和DJ,感恩有幸一直能兼顧兩方面。
Albert當了45年歌手和DJ,感恩有幸一直能兼顧兩方面。
Albert的演唱會《45周年友緣再相聚》,將於10月28至30日於伊館舉行。
Albert的演唱會《45周年友緣再相聚》,將於10月28至30日於伊館舉行。

去年舉行《相識在童年知心50載》演唱會, Albert形容是私房式邀請了細仔和胞妹任嘉賓,但今次則廣邀歌手好友,包括曾路得、麥潔文、葉振棠、李龍基和譚嘉儀;DJ方面則有鄭丹瑞、麥潤壽和鄭子誠,不過當中最特別是搵了看似不相干的袁偉豪和張寶兒。Albert解釋跟小時候Ben已認識,「佢叫我Uncle,佢十幾二十年前已經識彈電結他,好鍾意唱英文歌,估唔到佢𠵱家變咗電視男神,但係佢今次再特別啲奉獻咗第一次,搵埋老婆張寶兒一齊合唱,寶兒未試過做演唱會嘉賓㗎!」
Albert邀請的嘉賓當中,唔少得DJ方面的老友鄭丹瑞。
Albert邀請的嘉賓當中,唔少得DJ方面的老友鄭丹瑞。
Albert開心袁偉豪和張寶兒將同台合作第一次奉獻給他。
Albert開心袁偉豪和張寶兒將同台合作第一次奉獻給他。

諗計叫家英哥惡補
Albert還會首度挑戰唱粵曲《劍合釵圓》,他入行多年一直未敢嘗試,只因以往經常有機會聽新馬師曾現場演繹,技驚四座,更令他不敢輕易學唱,但為了米雪而勇敢踏出第一步,「佢話『你試吓啦!』,同埋喺我演唱會,唱得差都會有掌聲,我啲fans好包容。」他打算搵同是高爾夫球波友的羅家英做導師惡補,仲諗好計仔「邀請」對方,「我同米雪商量點樣學點樣練,佢話『不如我哋搵家英哥』,約佢出嚟打高爾夫球,不過要教我唱粵曲,『係咁易教吓都好,唔係之後同我打球我就打殘你,打到你冇晒信心』,都係交換啫!哈哈!」
Albert搵了老友米雪及李龍基出任演唱會嘉賓。
Albert搵了老友米雪及李龍基出任演唱會嘉賓。
Albert 決定搵羅家英教唱粵曲,但最搞笑對方竟然仲未知。
Albert 決定搵羅家英教唱粵曲,但最搞笑對方竟然仲未知。

講到MIRROR演唱會意外事件後,一眾歌手更注重舞台安全,Albert承認紅館地方大又多機關,較多意外風險,他亦試過無數次驚險事,「試過條路係斜路嚟,衝落去停唔到,諗住走去觀眾席握手,差啲打筋斗咁滯,好危險!」不過他強調今次在伊館開Show,完全冇機關好安全。
Albert承認在紅館開騷特別危險,群星騷會靠大家互相提點。
Albert承認在紅館開騷特別危險,群星騷會靠大家互相提點。
Albert強調今次在伊館演唱會完全冇機關,非常安全。
Albert強調今次在伊館演唱會完全冇機關,非常安全。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

其他文章
hd