首頁 即時娛樂

獨家丨曾助容祖兒Twins錄音發揮小宇宙 伍樂城舉辦歌唱大賽發掘樂壇新星

14/11/2022 07:00:00


由著名監製伍樂城創辦,揉合流行及古典音樂教育的伯樂音樂學院將於明年2月5日假灣仔新伊館舉辦大型歌唱大賽《歌手的誕生》總決賽。院長伍樂城強調今次比賽係發掘樂壇有潛質新人,他仲會好似激勵新人階段嘅容祖兒、Twins、謝霆鋒咁,將冠軍得主發揮到小宇宙極限。冠軍可獲歌手合約及灌錄第一首派台原創歌,另獨得一萬元獎金,好吸引。採訪:方騫平 場地:伯樂音樂學院

伍樂城及蔡立兒為歌唱大賽《歌手的誕生》出心出力。
伍樂城及蔡立兒為歌唱大賽《歌手的誕生》出心出力。
《歌手的誕生》將於明年2月5日假灣仔新伊館舉行,從而發掘樂壇有潛質新人。
《歌手的誕生》將於明年2月5日假灣仔新伊館舉行,從而發掘樂壇有潛質新人。

近年各大電視台都舉辦真人騷形式的選秀節目,如《全民造星》、《星夢傳奇》、《中國好聲音》等,令唔少熱愛音樂或有意入行嘅人,透過選秀節目去實現音樂夢。《歌手的誕生》大賽由著名音樂人及伯樂音樂學院院長伍樂城牽頭,旨在發掘、訓練及提拔本地具唱功及潛力嘅歌手人才,打造具實力嘅樂壇新力軍!
蔡立兒負責培訓參賽學員。
蔡立兒負責培訓參賽學員。
伍樂城相信好多人都有歌星夢。
伍樂城相信好多人都有歌星夢。
伍樂城及蔡立兒喺樂壇有地位。
伍樂城及蔡立兒喺樂壇有地位。

《造星》滄海遺珠出擊

除由方力申、陳慧琳、張彥博等拍片支持外,森美擔任總決賽司儀;衛蘭做演唱嘉賓。伍樂城透露已收到幾百人報名,當中有YouTuber、曾參加過公開歌唱比賽嘅參賽者,比如《全民造星I》嘅謝家俊(OT)及《全民造星IV》羅詠琪(Winkie),亦有音樂人。最細報名者為12歲學生;最大係69歲退休人士。評判會選出16位有水準嘅學員進入總決賽,暫定選出冠、亞、季軍,但伍樂城強調:「唔一定年紀輕就會著數啲,就算年紀大都有無限創造力,音樂冇分年紀,每個年紀都會有唔同嘅魅力。」
衛蘭擔任總決賽嘅表演嘉賓,展示歌星應有嘅條件。
衛蘭擔任總決賽嘅表演嘉賓,展示歌星應有嘅條件。
 方力申係歌唱大賽宣傳大使,拍片分享首入錄音室錄歌嘅感受。
方力申係歌唱大賽宣傳大使,拍片分享首入錄音室錄歌嘅感受。
陳慧琳現身撐《歌手的誕生》。
陳慧琳現身撐《歌手的誕生》。
森美係總決賽當晚司儀,咁專業一定冇難度。
森美係總決賽當晚司儀,咁專業一定冇難度。
曾參加《全民造星I》的謝家俊屢敗屢戰,再報名參加《歌手的誕生》。
曾參加《全民造星I》的謝家俊屢敗屢戰,再報名參加《歌手的誕生》。
《全民造星IV》學員76號羅詠琪亦藉此捲土重來。
《全民造星IV》學員76號羅詠琪亦藉此捲土重來。

幫助新人彈出潛能

作為音樂監製嘅伍樂城曾跟多位歌手合作過,從錄音過程中睇住新人彈出潛能:「最有印象容祖兒、Twins、謝霆鋒,當年佢哋係有潛質,但初初唔會show晒所有好嘢,其實我幫祖兒灌錄第一首歌《逃避你》時佢經已唱得好好,但我要求佢喺感情表達上要更加細膩,礙於當年祖兒年紀仲細,最後要同佢講『故事』激勵佢發揮極限。今次設計呢個比賽,冠軍得主亦有機會灌錄第一首派台歌,從錄歌過程中,我會協助佢展現做未來新星嘅潛能。」
伍樂城睇住容祖兒及謝霆鋒大,合作無間。
伍樂城睇住容祖兒及謝霆鋒大,合作無間。
組合Twins當日好嫩口,入錄音室時要音樂監製伍樂城扶一把。
組合Twins當日好嫩口,入錄音室時要音樂監製伍樂城扶一把。

學員要謙卑戒驕傲

另外,湯怡、官恩娜、糖妹(黃山怡)等出道前曾經係蔡立兒學生,今次喺《歌手的誕生》中蔡立兒擔任導師,負責培訓學員成材:「賽前學員會進入訓練營,透過活動分享唱歌技巧、期望、甚至做歌手前心態及準備功夫等。」她坦言會係一位嚴格,但唔會罵人嘅導師:「最重要學員肯聽意見,要用謙卑嘅心嚟接受自己好同唔好嘅地方,最忌係驕傲,因為驕傲會令人敗壞,乜都唔會聽入耳。」提到她眼中嘅歌星典範,蔡立兒首推75歲嘅林子祥,對他讚不絕口:「佢唔止唱得好,私生活正常,仲成日做運動及練歌,更會培育新人,喺音樂路上永不厭倦,而且學到老做到老。」至於新一代歌手,蔡立兒較喜歡創作歌手江海迦(AGA)、衛蘭及方力申。 
2009年僅16歲嘅何雁詩參加TVB第一屆《超級巨聲》,唱歌前曾喺伍樂城嘅「伯樂音樂學院」學咗歌唱三年。
2009年僅16歲嘅何雁詩參加TVB第一屆《超級巨聲》,唱歌前曾喺伍樂城嘅「伯樂音樂學院」學咗歌唱三年。
蔡立兒及老公歐陽德勛眼中,林子祥係歌星典範。
蔡立兒及老公歐陽德勛眼中,林子祥係歌星典範。
楊千嬅、衛蘭、鄧建明、陳慧琳曾為伍樂城作品演唱會演出。
楊千嬅、衛蘭、鄧建明、陳慧琳曾為伍樂城作品演唱會演出。
伍樂城也曾跟樂壇天王黎明合作。
伍樂城也曾跟樂壇天王黎明合作。
湯怡出道前曾係蔡立兒學生。
湯怡出道前曾係蔡立兒學生。
陳慧琳曾現身伍樂城音樂學院開幕活動。
陳慧琳曾現身伍樂城音樂學院開幕活動。
官恩娜係蔡立兒學生之一。
官恩娜係蔡立兒學生之一。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ 

其他文章
hd