首頁 即時娛樂

財閥家的小兒子|宋仲基人設萬中無一 男神李星民魅力攝人Do姐勁冧

24/11/2022 08:30:00

星級韓迷嘟姐(鄭裕玲)又有好推介!Viu Original原創奇幻韓劇《財閥家的小兒子》首播叫好叫座,第三集收視更突破雙位數字,在一眾韓劇新作中一枝獨秀!日前鄭裕玲嘟姐也在電台節目《口水多過浪花》提到近日尤其關注《財閥家的小兒子》,不但大讚男神玉樹臨風,還自爆特別鍾情性格演員李星民,對劇集讚不絕口!

Do姐都在電台推介!
Do姐都在電台推介!

 

 

童顏宋仲基扮學生無違和

由「韓流男神」宋仲基夥拍「百想影帝」李星民和「氣質女星」申鉉彬主演的Viu Original原創奇幻韓劇《財閥家的小兒子》掀起全城熱話,向來走在煲劇最前線的嘟姐也緊貼這股韓風,大讚男主角宋仲基人設「萬中無一」:「屋企環境相當唔錯,而且靚靚仔仔,去到中學、大學甚至係校草,成績好、體育好,仲考入知名大學!」正當余德丞表示宋仲基打得又睇得之時,嘟姐竟自爆過去未曾收看他的作品,直至《財閥家的小兒子》為二人牽起緣份:「雖然我冇睇過佢嘅戲,但係我喺MAMA頒獎禮見過佢真人,的確係玉樹臨風!不過唔知點解一直冇吸引到我睇佢嘅作品,直至呢套;而宋仲基好嘢嘅地方就係,佢今年都37歲,但係佢可以扮大學生喎,你唔會覺得佢扮𡃁仔!依家播咗三集,佢嘅野心已經出咗嚟、有晒部署,淨係睇演技我都覺得好睇!」

 

Viu Original原創奇幻韓劇《財閥家的小兒子》亦雲集韓劇熟面孔,位位演技出眾。
Viu Original原創奇幻韓劇《財閥家的小兒子》亦雲集韓劇熟面孔,位位演技出眾。
順陽家的小兒子陳導俊(宋仲基飾)。
順陽家的小兒子陳導俊(宋仲基飾)。
現年37歲的宋仲基扮起大學生仍似模似樣。
現年37歲的宋仲基扮起大學生仍似模似樣。
尹炫優(宋仲基飾)以陳導俊的身份重生,向財閥復仇!
尹炫優(宋仲基飾)以陳導俊的身份重生,向財閥復仇!
宋仲基在Viu Original原創奇幻韓劇《財閥家的小兒子》飾演出身貧寒的尹炫優。
宋仲基在Viu Original原創奇幻韓劇《財閥家的小兒子》飾演出身貧寒的尹炫優。
李星民在劇中飾演順洋集團大家長陳養喆。
李星民在劇中飾演順洋集團大家長陳養喆。
嘟姐在《口水多過浪花》點名大讚李星民魅力攝人。
嘟姐在《口水多過浪花》點名大讚李星民魅力攝人。

 

李星民演技出眾壓倒全場

劇中飾演順洋集團大家長陳養喆,李星民向來演技非凡,更囊括百想視帝、影帝,以及大鐘獎最佳男主角等多項獎座,就連嘟姐也點名大讚對方實力出眾:「劇中另一個好主要嘅演員我都好鍾意,就係李星民,只要有佢出現嘅劇集,佢都會盡力做,而佢嘅角色亦都非常有魅力。李星民喺第一集最尾出場,佢無講過一句說話,但係嗰種攝人嘅魅力,會令你覺得『有呢個演員喺度就掂喇!』」此外,嘟姐亦劇透該劇雲集一眾韓劇熟面孔,「除咗佢兩位之外,好多角色都係韓劇熟客,又係好演技,所以真係好好睇!」

改編自同名網路小說,Viu Original原創奇幻韓劇《財閥家的小兒子》以八十年代為背景,講述出身貧寒的尹炫優(宋仲基飾)忠誠效力順洋集團,某天他奉命為會長陳養喆(李星民飾)管理秘密資產,卻被誣陷私吞資金而慘遭滅口,後來他竟重生為順陽家的小兒子陳導俊,從此開啟第二人生!為了侵吞整個財閥家族,他逐步成長並展開一連串復仇行動,誓要在上流社會掀起腥風血雨!香港觀眾逢星期五、六、日可以透過「黃Viu煲劇平台」免費緊貼劇集的最新進度,亦可一併收看《夏日大罷工》等最新韓劇。

 

【其他文章】:

飲食界名人「戴帽」捉姦片疑似女主角Alva最新回應:已分手準備搬屋

Coffee林芊妤飯局風波丨KOL疑戴綠帽離婚受刺激連環爆料?前妻Toby曾與吳若希爭仔

港飲食界猛人捉姦片疑似女主角被起底 IG狂晒內衣三點式照成身名牌勁富貴

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ 

其他文章
hd