首頁 即時娛樂

毒舌大狀|黃子華當面揶揄何啟華遲到:身價高嘅人係唔同啲!

26/11/2022 17:50:00


黃子華、王丹妮、何啟華(Dee)及楊偲泳等今日到出席賀歲片《毒舌大狀》宣傳活動,為戲中「林涼水大律師事務所」進行開幕剪綵儀式,本來有份出席的栢天男因確診缺席,而廖子妤亦因身體不適而缺席,至於遲到令活動遲了差不多20分鐘才舉行的阿Dee,甫出場時即被子華寸「果然身價高嘅人係唔同啲!」,嚇到阿Dee話「唔好咁講。」

相關閱讀:黃子華《絕代商驕》CP13年後再合體 佘詩曼事隔13年完全冇老過

【點擊睇黃子華活動情況】

主角之一栢天男因確診缺席,而廖子妤亦因身體不適而缺席。
主角之一栢天男因確診缺席,而廖子妤亦因身體不適而缺席。
黃子華好鬼馬。
黃子華好鬼馬。
黃子華大讚王丹妮。
黃子華大讚王丹妮。
楊偲泳、王丹妮。
楊偲泳、王丹妮。
谷德昭。
谷德昭。
黃子華揶揄何啟華。
黃子華揶揄何啟華。
子華神!
子華神!
黃子華首次與王丹妮合作。
黃子華首次與王丹妮合作。
大合照。
大合照。
今次電影將於年卅晚上演。
今次電影將於年卅晚上演。
楊偲泳話與男友合作只等公司安排。
楊偲泳話與男友合作只等公司安排。
何啟華自稱隱形眼鏡爆了一隻。
何啟華自稱隱形眼鏡爆了一隻。
黃子華話《飯戲攻心》票房大收,還未興奮完。
黃子華話《飯戲攻心》票房大收,還未興奮完。
王丹妮笑言自己可以醜到無極限!
王丹妮笑言自己可以醜到無極限!

對於新戲將於年三十晚上映,子華表示心情興奮,因很想觀眾可以看到這部作品:「《飯戲攻心》未開心完,可以保持開心。(想唔想超越《飯戲攻心》票房?)《飯》係歷史性奇蹟,只係希望可以接近,越近越好,如果唔小心跣到過去嘅話都唔知個世界發生咩事。」對於首次與王丹妮合作,子華笑言之前曾為《梅艷芳》做宣傳,大讚丹妮演得好之餘,更表示很欣賞對方:「做呢個角色(梅艷芳)大家都唔知有幾困難,基本嘅神韻佢都捉到晒,我喺阿梅面前唱兩句都騰晒。」戲中丹妮要找子華幫她打冤獄官司,不過卻被子華狂跣,而且更跣她全家搞到好慘。丹妮在戲中要以素顏上陣,子華大讚她得天獨厚,而丹妮則笑指自己也有化妝,不過只是深黑眼圈來令自己更醜:「再醜啲都得,我冇極限。」問到如何跳出梅艷芳的框框?丹妮說:「每個角色都係全新生命,兩個角色都係唔嘅。」子華笑她拍這戲的時候很舒服,丹妮即說:「體力上係爽,但精神上係攰,因為相信自己坐緊冤獄。」而她除了事前有看監獄電影做參考外,因戲中的囡囡是聾啞人士,所以她亦有學了幾個月手語來溝通,認為能學習新事物是很好玩的一件事。問她對着大師級子華可會感壓力?她說:「佢哋都好好,現場帶畀我哋好多歡樂,子華轉數快,所以都逼我哋轉數都快左,因為子華讀哲學,所以我成日都問佢哲學方面嘅嘢。」

至於今日遟到約20分鐘的阿Dee,搞到被黃子華寸他身價高,事後阿Dee呼冤,表示今天已經早15分鐘回到公司化妝,又指今日諸事不順,先是隱形眼鏡裂開了一隻,後來又遇到壞𨋢,搞到自己很炆憎,問他平日是否很準時,阿Dee即說:「當然好準時,我好尊重拍戲,因為每秒鐘都係錢。」又笑言平日只會拍Viu的綜藝節目才會不準時:「公司都好體諒我,試過最遲遲到一個鐘,因為10幾日瞓得三個鐘,所以冧廠,好炆憎同埋嬲自己。(會唔會發脾氣?)我唔會發人哋脾氣,只會發經理人同埋自己脾氣。」提到盧瀚霆與呂爵安新戲《過時·過節》的宣傳片在TVB娛樂新聞台中播映,問阿Dee是否想《毒》也可在TVB播?他說:「希望全世界都有得播,因為呢部戲係好精彩嘅戲,好耐冇睇過黃子華做律師,對上一次已經係余樂天(《男親女愛》中的角色)。」問到今次跨平台是否一個突破?Dee表示現時媒體有很多,應該混在一起玩,若不是這樣做觀眾就會分散,浪費了創作人的心機:「個餅得咁細,有乜好爭?仲搞啲咩獨市,應該搞好個市。」

至於於戲中做大狀的楊偲泳,問到是否期待與男友(張振朗)一起拍戲?她指沒有想不想,全部都是看公司安排和看角色。對於TVB台慶夜爆疫,問到是否會擔心男友?她說:「希望全香港人都唔會中招,大家都身體健康。」

【其他閱讀】

58歲龔慈恩保養得宜成凍齡美人 囡囡林愷鈴盡得真傳勁有仙氣

盤點16女星陳年學生相!傅穎女大十八變   52歲DJ完美凍齡30年

木門大亨千金有家底又擁豐滿身材引網民羨慕   孖何超欣同框影雜誌成熱話

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

其他文章
hd