首頁 即時娛樂

獨家丨Jeffrey講廢話驚訝德斌識笑相逢恨晚 《膠戰》鐵粉Asha合作完冇晒幻想

09/12/2022 07:00:00


Jeffrey(魏浚笙)和Asha(徐㴓喬)在新劇《百萬同居計劃》首度合作,劇中Jeffrey狂追Asha,見親面都會示愛,相當癡纏。本是《膠戰》鐵粉的Asha承認跟Jeffrey合作後冇晒幻想,仲大爆現實中的男方「情傾」黃德斌,眼中「德斌No.1」的24Jeffrey坦認跟59歲的黃前輩相逢恨晚,因為後者竟然聽得明自己嘅無聊廢話,更唔怕肉麻講到出口識到德斌是拍《百》劇最大收獲,呢對相差35年的「廢話友誼」爆笑又有愛!採訪:杜杜 攝影:Stanley 服裝:MAX&Co.(Asha)CHANEL(Jeffrey)

31歲的Asha跟24歲的Jeffrey,完全冇違和感。​
31歲的Asha跟24歲的Jeffrey,完全冇違和感。​
Asha跟Jeffrey合作後,粉絲心態完全消失。
Asha跟Jeffrey合作後,粉絲心態完全消失。

 
Jeffrey對於不停追求Asha唔成功,搞笑話好想喊。
Jeffrey對於不停追求Asha唔成功,搞笑話好想喊。

Asha本身好迷《膠戰》,可惜接觸偶像Jeffrey後完全改觀,「都想知『煨Sir』(Jeffrey在節目中的花名 )平時係點呢?接觸後我同阿娟嘅反應都係唔接觸會好啲,哈哈!識咗佢後嗰種有趣,佢想大家都開心嘅氛圍,都會對佢加分。」至於Jeffrey點睇Asha?答案非常Jeffrey,「我對Asha嘅認識佢係個外國人,點知佢真係一個外國人,佢講中文同英文都十分之流利,十分之厲害,估唔到佢中文咁好,咬字咁正,所以very good。」

 
劇中Jeffrey狂追Asha,每次見面都慣性跟對方示愛。
劇中Jeffrey狂追Asha,每次見面都慣性跟對方示愛。
劇中Jeffrey跟AL爭Asha,大搞三角戀。
劇中Jeffrey跟AL爭Asha,大搞三角戀。
Asha跟AL繼《大叔的愛》再合作,演情侶拍親密戲會怕醜。
Asha跟AL繼《大叔的愛》再合作,演情侶拍親密戲會怕醜。

JeffreyAL跳舞好開心

AshaJeffrey覺得一班人在大宅開工好玩,而有份演出、娟姐的愛犬「烏冬」,亦是另一個開心果,牠跟Jeffrey有不少對手戲,演技更令Jeffrey甘拜下風,「烏冬係憂鬱型,哈哈!我真係未見過咁乖嘅狗,佢真係唔吠,好定,行路施施然,好似成個世界得我,未見過咁cute嘅狗狗。」Asha更爆烏冬是唯一有替身的演員,Jeffrey解釋,「嗰幕戲佢要吠,哎吔佢吠唔到,就有隻假烏冬,嗰隻係肥版嚟,好漲。」
Jeffrey跟娟姐愛犬「烏冬」有不少對手戲,大讚牠超乖。
Jeffrey跟娟姐愛犬「烏冬」有不少對手戲,大讚牠超乖。

講到難忘場口,Jeffrey又有分享,「大家都知我喺《膠戰》裹面係跳舞擔當,去到《百》劇就做跳舞老師,有場我教阿Lo(盧瀚霆)跳舞,真係講起都開心,阿Lo都乞人憎,我教完後佢話,『喂,你頭先好似唔係咁做㗎喎,你做多次嚟睇吓』,我跳一次佢好似已經識晒,屈機,跟住佢點返我轉頭,跳過舞真係唔同啲,真係好勁。」
Jeffrey跟AL劇中雖然是情敵,但又好老友。
Jeffrey跟AL劇中雖然是情敵,但又好老友。

Jeffrey叫前輩做德斌兄

睇到呢度大家都feelJeffrey真係好多嘢講,之前德斌和娟姐接受《頭條日報》訪問已講過,原來Jeffrey自己都知,「有時都會遇到啲人覺得我煩,所以平衡要取得好啲,但有時控制唔到,我係嗰啲0100,一煩就好Q煩,但可以完全唔講嘢,當大家話『你好煩』,我就收埋唔開心一陣。」AshaJeffrey覺得演得唔好時最靜,他說:「自己收一收皮先,唔好畀外來因素影響自己,做好自己嘅嘢先再嘈。」
Jeffrey跟德斌在劇中,對手戲不算太多。
Jeffrey跟德斌在劇中,對手戲不算太多。

娟姐訪問時爆Jeffrey同德斌有特殊關係,兩人極冤氣,原來Jeffrey最初面對德斌時都驚,但在大宅拍咗幾日便開始熟絡,「好似我講埋啲好無聊嘢,feel到佢又識笑喎!應該係同一類人,哈哈!冇反應真係唔敢埋身㗎!」他再講冧掂德斌方法,「我個人不嬲都好直,前輩當然要尊重,但係前輩都係人,都要做朋友,大家個距離先可以拉近,當然我同德斌兄係咁啱夾到啦!真係開心!」

 
Asha望住Jeffrey不停發表對德斌「愛的宣言」,冇晒意見。
Asha望住Jeffrey不停發表對德斌「愛的宣言」,冇晒意見。
《百》劇日前舉行記者會,Jeffrey都跟德斌黐到實。
《百》劇日前舉行記者會,Jeffrey都跟德斌黐到實。

Jeffrey等德斌70歲再挑戰

Jeffrey拍《I SWIM》已經用拗手瓜同人混熟,今次都不例外,早前他在記者會已經提過,挑戰德斌做引體上升輸了,他做到15次,而德斌做到20次,「我玩先,佢睇住我個數嚟打,哈哈!真係高手,我最近同佢食糖水,我話『等你70歲再玩,哈哈!隨住你嘅年齡我就會戰勝你』。」原來他私底下亦有約德斌踩單車,更無所不談,前輩亦會給他不少意見,「佢經驗豐富嘛!佢會話『你可以試吓點做囉!』,帶我去唔同角度諗吓。」
Jeffrey拍劇最鍾意搵人拗手瓜,原來除了阿Jer仲有德斌。
Jeffrey拍劇最鍾意搵人拗手瓜,原來除了阿Jer仲有德斌。

Asha認為Jeffrey同德斌夾,因兩人都是金牛座。Jeffrey都認同識到德斌是拍《百》劇最大收獲,「感恩,講起都開心!」Asha笑他,「德斌No.1呀!」Jeffrey更恨同德斌再合作,「做爺孫,哈哈!做老竇啦!」Asha提議不如做阿哥,他竟然話:「做阿哥佢抆啲,哈哈!做老竇都OK,佢現實中都有啲老竇feel,好鍾意講道理。」
Jeffrey和德斌合作拍廣告,片中反而是Jeffrey演德斌爺爺。
Jeffrey和德斌合作拍廣告,片中反而是Jeffrey演德斌爺爺。
Jeffrey視德斌為努力目標,希望年紀大都跟對方一樣有型。
Jeffrey視德斌為努力目標,希望年紀大都跟對方一樣有型。
Asha曾擔心鬼妹仔外形影響演出機會,幸好現在劇接劇。
Asha曾擔心鬼妹仔外形影響演出機會,幸好現在劇接劇。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

 

 

其他文章
hd