首頁 即時娛樂

【留星語】詹尖Dream 詹瑞文

25/01/2023 13:44:00


你舊日的夢想是甚麼?實現了嗎?
喜劇巨匠詹瑞文(現改名:昊宸),於其新搞作沉浸式美食劇場中,向觀眾收集「舊日的夢想」,夢想跟食一樣,缺一不可。
那詹瑞文呢?
「我一直實踐緊舊日的夢想,就係演藝、表演、戲劇創作同舞台。捱苦頭唔緊要,因為每一個夢想,實踐嘅過程中,都要經過考驗,就要睇自己係咪忠於自己。」
一切由戲劇出發,只因:「要實現我嘅夢想,就要聆聽自己嘅心,都要分階段嘅,第一階段梗係做演員,做做吓,我知道自己鍾意做喜劇,慢慢又想自己創作、建立自己嘅劇團。
「因為我想多啲人睇到我嘅戲,我就將自己嘅戲,寫得更大眾化⋯⋯講吓講吓,就係我呢三十年追夢嘅過程。」
一晃眼三十載,五十七歲的詹瑞文,逐步追夢,時至今天還有夢想需要捕捉,所以每一天也是藍天。

二十年下來,詹瑞文繼續相信直覺,把於歐洲流行已久的沉浸式餐飲劇場,引進香港,於銅鑼灣起步,由籌備到實踐,只花了半年時間。
二十年下來,詹瑞文繼續相信直覺,把於歐洲流行已久的沉浸式餐飲劇場,引進香港,於銅鑼灣起步,由籌備到實踐,只花了半年時間。

人做我唔做


有夢想,除了不用做鹹魚,也需要一定程度的付出,當付出跟所獲不成正比,難免會令人氣餒,詹瑞文也面對過這些情況。
「會攰、會沮喪,但係我冇諗過要放棄。我成日覺得,樣樣都有得做,只係有啲嘢我做過,就唔想重複,好似〇三年,我獲邀喺日本國立劇院演出,演出完我發現,日本人唔識我嘅語言,都鍾意我嘅演出,我就覺得,戲劇需要普及化。
「於是我就成立自己嘅劇團,自己做想做嘅事,最重要係相信自己嘅直覺,做一啲領先嘅項目。」
二十年下來,他繼續相信直覺,把於歐洲流行已久的沉浸式餐飲劇場,引進香港,於銅鑼灣起步,由籌備到實踐,只花了半年時間。
「我喺六個月前有呢個新嘅夢想,四個月前就遇上餐廳老闆,一拍即合。由戲劇出發,到餐單、菜名都融入劇情。有啲人問:『嘩!詹Sir乜你連餐Show都撈埋?會唔會開酒廊、夜總會呀?』佢哋以為我係安排歌手上台唱歌。
「我解釋番我唔係做呢啲,如果我繼續發展,我會想起一間餐廳,專係為咗演出嚟做,今次我哋好多設計,都要就住已有嘅餐廳嚟做,有專用嘅地方嘅話,就做得更加好。」
為了把舞台劇普及化,他於〇五年開始演出獨腳戲《男人之虎》,至一六年的《新男人之虎 笑完武士》。
為了把舞台劇普及化,他於〇五年開始演出獨腳戲《男人之虎》,至一六年的《新男人之虎 笑完武士》。
他的另一撒手鐧,是反串演出,除了喜劇效果,「其實都係一種表演藝術。」
他的另一撒手鐧,是反串演出,除了喜劇效果,「其實都係一種表演藝術。」

 

戲劇產業化


籌備之時,適逢疫情第五波,但詹瑞文還是信心爆棚。「我從來都係咁,我嘅直覺係,冇人做過就係得,香港人好接受新事物,又重視生活、重視精神食糧,所以一定會試新嘢。
「以前冇一個人做嘅戲劇,除咗棟篤笑,我就做《男人之虎》,一個人分飾多個角色,慢慢做到長壽商業劇場,將戲劇產業化,令更多人都睇到。」
戲劇路一走便三十年,詹瑞文笑言,最重視健康,「做一個演員,一定要健康!身體、心理、精神同靈魂,一樣要健康!所以我有少少唔妥,就會盡快處理。
「最近我做咗一個食物敏感嘅Test,醫生話,我身體入面有隻菌好吸甜,所以我好鍾意食甜嘢,但係食得甜或吃某一隻肉多,又會令我身體發霉,哈哈哈!所以我要排霉,食得清淡啲,減緊啲霉菌再食。」
近年他積極培訓演藝新血,也是其比較新近的夢想。
近年他積極培訓演藝新血,也是其比較新近的夢想。

其他文章
hd