【抗疫美食】小島郊遊食好西

近排放假都係去郊區或去離島行一轉，吸下新鮮空氣，減減壓！除了出名多小食嘅長洲之外，坪洲亦是不少人的郊遊之選，今次就同大家講下這兩個人氣離島有咩小店推介，郊遊行山之餘，都可以坐低歎下美食！

好多市區人都特意入長洲「掃街」，食下大魚蛋、芒果糯米糍，買下平安包，不過島上不只這些小食，還有間甜品店可以坐低食手工芋圓。「長洲冰室」有分室外室內座位，修風格簡約，仲有啲台灣文青Feel，至於食品方面，就主打自家製芋圓，可配搭豆腐花、涼粉、刨冰等，必試嘅有Baileys三色圓冰，酒味濃郁，面層鋪上紅豆、煙靭的三色圓和雪糕，十分足料！

坪洲方面，一定要去祺森冰室食蝦多士，開業接近五十年嘅經典舊式冰室，坐綠色長櫈度食香脆名物「蝦多士」，粉漿唔會太厚，入面仲要有粒粒鮮蝦肉，真材實料；加埋杯紅豆冰，夠晒懷舊！要留意，冰室星期六、日營業至下午4時半，想食就要早啲去喇！