【米珠蓮】 翠林辣蟹舫 名人飯堂

　　米珠蓮這天來到翠林辣蟹舫，坐下來看着店內環境，便覺熟口熟面，原來數月前熱播劇《使徒行者3》不少情節正是在此取景，就連老闆娘寶琳姐都有客串演出呢！

　　看店名都知，避風塘炒蟹自然是首選，且正值特價，幾乎每枱必點。避風塘炒蟹賣相出眾，老闆娘更專誠設計鮮紅色涼亭狀的食物架，當中方形碟放上一隻滿有氣勢的炒蟹，栩栩如生，中間還堆滿炸蒜。越南蟹有肉地，蟹肉鮮甜惹味，連葱蒜都有蟹香，邪惡得有衝動想用來撈飯！

　　另外亦試了黃金流沙龍蝦，廚師將龍蝦斬件，再放上金黃炸脆粒粒，小朋友都啱食，現時同樣做特價，好過買料自煮。見餐牌有一款特色食神炒飯，寶琳姐解釋，原來是曾客串電影《食神》的戴龍師傅數年前來訪時教授，炒飯砌成一條魚狀，造型可愛，飯是用五種米炒成，豐富口感層出不窮，魚身更撒上日式蟹子，一吃停不了口！

　　最後一道菜是堂剪BB鴨，選用三十日大的鴨，因供應有限，必須預訂。BB鴨躺在迷你椅子上，擺盤精緻，當然又是相機食先！鴨肉極香嫩入味，而且不羶，可謂令人一改對鴨的印象。值得一讚是店家在細節上亦見心思，好像前菜話梅苦瓜小食，便以話梅的酸甜，中和苦瓜的苦澀，卻又不失爽脆，顛覆閣下味蕾。更難得是海鮮及小炒有水準之餘，疫情下還不忘推出特惠價，讓米珠蓮不禁懷疑，是否一定要山長水遠去食海鮮？