【米珠蓮】 alfafa Café $48 自選套餐

  這間alfafa的支線去年底才開業,瞬即深受中上環OL歡迎,其中一個原因,是餐牌菜式採用優質天然食材,包括超級食物、環保海鮮及無添加激素肉類等,但價錢絕不離地,性價比高。
  今次這個期間限定星級自選套餐,早上11時至下午2時半堂食價$88,外賣價$68,而2時半後堂食或外賣只$48,如果有彈性食飯時間,精明打工仔當然是揀2時半後,最合符經濟原則!全新主菜有四種口味選擇,分別是越式煎香茅豬扒、日式照燒大西洋鱈魚柳配有機鮮蘑菇、韓式泡菜炒無添加激素皇帝蝦,以及香辣新豬肉碎炒豆角。今次我們四種都有試齊,個人最Like香茅豬扒配豬肉碎炒豆角的配搭,正合心多又愛香口食物的米珠蓮。豬扒煮得非常入味,配菜可選白飯、意粉或薯蓉,個人認為配意粉較合適,意粉煮得恰到好處,屬於AL DENTE那種質感,亦做到索汁的效果。套餐配新鮮蔬菜及飲品,其中可選有機茶、伯爵茶及英式早餐茶。
  如果還未夠飽,可以加配餐湯或alfafa超級沙律,尤其是超級沙律非常足料,材料包括牛油果、羽衣甘藍、西蘭花、蘋果、車厘茄、奇亞籽、三色藜麥、檸檬奇亞籽汁。此沙律雖然是迷你版,但當中包含那麼多Super Food,如此豐盛都只是加$13,比自己買材料整還划算,強烈推介!

地址:干諾道中68號華懋廣場第二期1樓1A號舖
查詢電話:2581 4391


hd