【#芫茜控注意!】譚仔出香茜皮蛋米線!芫茜山咁高,仲有芫茜特飲同限定早餐!

香茜皮蛋魚湯米線 配脆肉鯇 $43起

各位芫茜控+米線控+譚仔雲南米線粉絲,召集!因為即日起譚仔再次翻出香茜皮蛋米線,食編C一收到風,當然即刻約公關搶先直擊!大家見到下面呢碗米線上面堆芫茜擺到山咁高,各位芫茜控口水流出嚟未呢?

加$3加配「芫茜山」; 加$10加配「皮蛋海」

其實譚仔唔係第一次出香茜皮蛋米線,早在今年初譚仔尖沙嘴海港城分店,曾經出過店鋪限定的香茜皮蛋魚湯米線配脆肉鯇,當時小試牛刀之後引晒班芫茜控去食,反應勁好,所以譚仔決定再次翻出香茜皮蛋魚湯米線,今次終於全部分店都食到喇!

 

講返呢個香茜皮蛋魚湯底,芫茜同皮蛋幾夾就唔多解說,提提大家要飲啖個乳白色魚湯,因為湯底用了多款不同種類鮮魚、薑、蔥及白胡椒粒,每天熬足 3 小時,清清地的芫茜,加鮮甜魚湯,再咬啖味道濃郁的皮蛋同無骨脆肉鯇,淨米線都覺得好滿足!

凍香茜青檸雪碧(加$2追加芫茜茸) ; 凍葡萄特飲配乳酸爆珠 (加配$12,單點$15)
「香茜芝士煎蛋」中環店限定,早餐A 可另加$3轉配香茜芝士煎蛋;早餐B及C 可另加$6轉配香茜芝士煎蛋;其他早餐套餐均可加$9額外加配香茜芝士煎蛋(只適用於早餐時段)

除了山咁高嘅米線,同場加映仲有芫茜特飲同限定早餐!「青BB」呢杯一睇就知係凍香茜青檸雪碧,芫茜控唔夠喉可以加多$2追加芫茜茸,唔想好芫茜可以揀凍葡萄特飲配乳酸爆珠。另外,芫茜忠粉齋食芫茜米線同飲芫茜特飲都唔夠,咁就一定去中環店,因為呢道唔單止裝飾成限定芫茜世界,有幅超大的L芫茜牆同放滿新鮮芫茜盆栽俾你聞住芫茜香味打卡外,仲推出店鋪限定的「香茜芝士煎蛋」特色早餐系列,俾你早午晚餐都被芫茜包圍!

Text: Charly


hd