【食玩王|大坑揾食】順興茶餐廳招牌三寶滑蛋飯!$28極邪惡滑蛋菠蘿油

人稱「銅鑼灣後花園」的大坑,位於天后與銅鑼灣之間,遠離煩囂的鬧市亦不乏美食餐廳。順興茶餐廳進駐大坑多年,由之前茶檔到現時增設入舖茶餐廳,證明人氣有增冇減,食物素質有一定保證。


$68招牌滑蛋三寶飯(牛肉、蝦以及叉燒),蛋色鮮黃、蛋香濃郁最重要夠嫩滑!叉燒雖然只是來貨但有驚喜,肥瘦均勻加上有少許燶邊,唯一美中不足厚度太薄。再淋上順興秘製甜豉油,撈飯一流


$28滑蛋菠蘿油,茶餐廳把菠蘿包橫切兩刀,最底層夾入厚厚的牛油,中間放入滑蛋。把冷冰冰的牛油、熱辣辣的滑蛋和脆皮菠蘿包一啖咬入口,冰火交融的感覺,罪惡感滿分,少食多滋味;

 

$38三餸車仔麵(牛腩、咖哩魷魚和蘿蔔)菜單一共有二十款餸、八種麵底任君選擇。蘿蔔清甜不「起渣」,咖哩魷魚爽口入味但牛腩相對失色,偏硬乾身。然而今次的牛腩汁喜出望外,牛肉味香濃而不會過鹹。


奶醬多用上厚多士外脆內軟、粗粒花生醬、煉奶鋪滿整份多士,多重口感。



文:JL

圖:黃頌偉

 


hd