• 2022年5月16日 星期一
  • 19º
  • 93%
  • facebook
  • Weibo
  • RSS

新奇口味|冬蔭功 山葵味雪糕試過未 蔥花肉鬆雪糕你食唔食得落?

創意雪糕口味

夏天為大地帶來冰涼透心的雪糕。朱古力、雲呢拿、士多啤梨味就食得多,雪糕已一早跳出「甜品框框」,介紹以下幾款奇特口味的雪糕,你又敢唔敢試?


蔥花肉鬆脆皮雪糕

內地早前爆紅的雪糕蔥花肉鬆脆皮味,鮮黃脆皮下包住肉鬆同蔥花粒,外形睇落好正常又幾討好。網民食評覺得似是「蔥油餅味的雪糕」,似乎食得過。


香蔥烏冬雪糕

近期大熱的雪糕拉麵大家試咗未?雪糕同麵食其實一早已成功配對,證明兩種口味原來好夾。由日本香川縣研發的香蔥烏冬雪糕,雪糕口感幼滑又有淡淡烏冬味,topping 淋上日式醬酒同蔥花,賣相呃 like 一流。味道更是意想不到的 match 喎!


勁辣雪糕

由台灣宜蘭的葉家香辣椒文創館獨創,其辣味分了 7 個等級,據聞第 7 級用了卡羅萊納死神辣椒炮製,堪稱係世上最辣雪糕咁話。嗜辣人士有冇興趣食下?


睇完以上 3 款,閣下對雪糕新口味有沒有衝擊?原來香港都食到口味獨特的雪糕,平易近人。焦糖燉蛋雪糕,面層有焦糖脆面,完全是凍了的 Crème Brûlée,味道極神似。平時見到綠色雪糕,以為是抹茶味吧?估佢唔到竟然係蜜糖山葵日本飯口味!味道奇特又凍又嗆鼻,食一啖即通鼻塞。最重口味的要數冬蔭功,以傳統泰式香料製作,少少辣多多趣,網民大堆,自問食雪糕食到成精的你,唔係唔試下呀嘛?


網址:https://bit.ly/3L21DHT

更多新冠疫情資訊,請到以下專頁瀏覽
按此  https://bit.ly/3JqiBzz


hd