美食迎秋日｜美國餐飲巡禮最後召集多款啤酒推介零酒精開派對一樣Fun

Headlife

更新時間：12:46 2022-10-14
發佈時間：12:46 2022-10-14

未知大家有冇覺得，呢幾日朝早起身感覺得陣陣嘅清涼，空氣濕度降低咗，秋意開始濃。真係好啦，秋天終於降臨，又係享受美食美酒最好嘅時候！

提起美食首先要分享嘅係年度盛事「美國餐飲巡禮（Delicious USA）」已經搞得如火如荼，甚至乎係到達尾聲，因為呢次嘅活動係9月16日已展開，一直會延續至10月16日即今個周末，整項活動共有31間食府參與其中，餐廳全部係風格獨特嘅，包括意大利菜、法國菜、墨西哥菜、西班牙菜、印度菜等，所以唔好以為全部只係美式餐廳先可以食到今次推介菜呀，不同餐廳都有精選用美國生蠔、美國斧頭扒、美國阿拉斯加三文魚等嘅名菜可以品嘗。

咁究竟咁多餐廳可以點預約？除咗上官方網站知道邊度有，仲可以上OpenRice《開飯喇！》查詢下，原來佢哋今年有合作推出期間限定餐廳優惠㗎。

查詢：https://www.delicioususa.com.hk/

除咗美食，美酒亦好重要，今次活動有特選嘅加洲酒俾大家配返相關嘅美食，想知道更多加洲美酒嘅資訊就要留意我哋平日Headlife炮製嘅影片「美酒開箱 https://bit.ly/3T0K53R」啦（賣下廣告先......)

如果閣下鍾情於啤酒，咁不妨試新嘢，以下推介嘅兩款啤酒各有賣點，包括來自新疆嘅馳名啤酒品牌「烏蘇啤酒」，已經隆重登陸香港，最獨特之處係使用咗新疆獨有嘅「樓蘭之星」啤酒花，酒花嘅苦味並不明顯，以調節中和麥芽嘅甜味，令啤酒清爽，又帶有花香。平時有飲開青島啤嘅話，不妨試試呢款新啤酒。

另一推介就係一切歸零嘅「零度嘉士伯」啤酒，標榜着零糖與零酒精度，新配方令卡路里亦大幅降低，因此好適合大家周末打算同屋企人去玩，但又怕酒精影響開唔到車，咁一罐零度嘉士伯就幫到你，一樣可以Chill，冇壓力，連打完波、開派對等都飲得。

想睇最新消息，立即 like 頭條日報FB專頁！>>