敖嘉年名副其實貓奴一名,過去十多年他與多名貓主子同一屋簷下生活,貓爸爸和貓媽媽生了三隻貓兒女,早年貓爸爸先行一步,留下肥婆媽咪Maui、大哥一仔、二囡公主BGG同埋細仔雞髀菇(又名阿菇)給嘉年照顧,上個月十四歲囡囡BGG也先行離開這個家了。我以為現在只有三位主子要嘉年照顧,原來家中還有另一位不屬於Maui血緣的主子,牠名叫悟空,是體形巨大的長毛緬因貓。
緬因貓是北美洲最早的長毛貓種,天生聰穎、活潑,好像現時十一個月大的悟空,體形已非常巨大。嘉年話悟空是朋友送給他的,不過在決定養悟空前,要經過阿菇這一關,因為全屋牠最惡。悟空BB仔到來時,要看能否與阿菇共處,如果阿菇打悟空,悟空便冇得留低。幸好阿菇不單止沒有打悟空,仲好Like佢O添!嘉年認為,主子們健康時大家玩得開心固然好,但當牠們患病時,我們必須盡力去醫治。「雖然囡囡BGG離開了好傷心,但我知道最後嘅陪伴同傾訴,會讓佢放心地離開。」
我問嘉年與各位主子有甚麼難忘故事?「大約十年前,我帶肥婆媽咪Maui去一個商場活動做訪問,主題是愛護動物,殊不知台上主持同我進行訪問途中,台下嘅Maui竟然走失咗,工作人員四圍搵貓,好彩最後搵得返咋!」正因為這次經歷,嘉年家人下令不能再帶任何一位主子外訪,而我亦與各位主子緣慳一面。
文:Meimei 圖:受訪者提供
(訪問影片:請留意Headlife fb專頁及頭條PopNews)