任睇No.1
  • 20º
  • 78%
  • 2024年3月19日 星期二

【善待動物】可愛Poochie 融化人心

        每年這個時候是「法國五月」的矚目日子,今年基於全球新冠肺炎疫情影響,各類應節活動被逼剎停,不過唔緊要,今日我請來狗狗界的法國代表Poochie同大家見面。如果你是追蹤可愛狗狗的Instagram(IG)常客,或許poochie_the_frenchie這專頁你已經追蹤中。

  剛剛一歲的Poochie,與主人Wendy同樣是IG紅人。Wendy好喜歡攝影,每天都會拍下Poochie的日常生活照,與大家分享。坦白說,我雖然喜歡狗狗,法國老虎狗並非我的杯中茶,但見過肥嘟嘟、笑笑口,懂得熱情打招呼的Poochie後,我不得不被牠的可愛融化!「我每天會用很多時間了解Poochie,要有時間了解先知道佢需要甚麼。」視Poochie如女兒的Wendy結婚不久,與丈夫Nowhere Boys樂隊主音Van都好鍾意法國老虎狗,二人與Poochie甚有緣份,一見已難捨難離,注定要成為一家人。可能與Wendy擅長攝影和西洋書法有關,Poochie每一張相片均能散發獨特個性和美感,十分配合以靚相先行的IG世界,怪不得小小Poochie已吸納大量粉絲。

  Wendy笑言並不是刻意經營Poochie的IG,只是覺得牠好得意,忍不住提起相機跟牠拍照。「看見那麼多朋友喜歡Poochie自己都好開心,這隻小狗可以為他人帶來歡樂,我好感恩。我知道喜歡動物嘅人必定會善待動物,但我最想講嘅係,唔鍾意動物嘅人,請唔好傷害佢哋!」今個周日(5月10日)是各位母親的大日子,預祝Wendy這位新手媽媽,與可愛Poochie有一個愉快的母親節!
文:Meimei
圖:陳鐵剛、受訪者提供

(訪問影片:請留意Headlife fb專頁及頭條PopNews)


hd